.gif)
_(1).gif)
.png)
काठमाण्डौ । चन्द्रागिरी हिल्सको सेयरमूल्यमा मंगलबार सकारात्मक सर्किट लागेको छ ।
सामान्यतया ‘लक इन पिरियड’ खुलेको दिन धेरैजसो कम्पनीको शेयरमूल्य घट्ने गर्छ । तर, कम्पनीको शेयरमूल्य चाहिं यो दिन बढेको छ ।
(1).gif)
हुन पनि हो, अहिलेसम्मको इतिहासमा प्रायजसो धेरै कम्पनीको सेयर भाउ लकिङ पिरियड खुलेपछि घट्ने गर्छ । किनकि सेयर बजारमा माग र आपूर्तिले काम गरिरहेको हुन्छ ।
लकिङ पिरियड खुले पछि धितोपत्र बजारमा सेयरको आपूर्ति बढ्ने गर्छ । तीन वर्ष पहिले दोस्रो बजारमा प्रतिकित्ता करिब २०० रुपैयाँँबाट खुलेको यो कम्पनीको सेयर भाउ तीन महिनाभन्दा बढी समय निरन्तर बढेर २ हजार ८०० रुपैयाँसम्म पुग्यो ।
धितोपत्र बजारमा सेयरको भाउको कुनै सीमा रहँदैन भन्ने मान्यतालाई यो कम्पनीको सेयर मूल्यले पुष्टि गरेको छ । तर बजार बियरिस बन्दै जाँदा २ हजार ८०० रुपैयाँबाट खसेको यो कम्पनीको सेयर भाउ मंगलबार भने प्रतिकित्ता अधिकतम ८६० रुपैयाँसम्ममा कारोबार भएको छ ।
यो दिन कम्पनीको सेयर भाउमा सकारात्मक सर्किट लागेको छ । लकिङ पिरियड खुल्नु अगाडी यो कम्पनीको सेयर स्वामित्व संस्थापकतर्फ ८८ प्रतिशत सर्वसाधारणतर्फ १२ प्रतिशत छ । जसअनुसार कम्पनीको सर्बसाधारणतर्फ १८ लाख ४० हजार ९०९ कित्ता सेयर सूचीकृत छ ।
मंगलबारदेखि लकिङ पिरियड खुलेकाले अब भने कम्पनीको सबै सेयर दोस्रोबजारमा सर्बसाधारणमा परिणत भएको छ ।
बैंक तथा वित्तीय संस्था र बीमा कम्पनी बाहेक नेप्सेमा सूचीकृत सबै कम्पनीको शतप्रतिशत संस्थापक सेयर प्राथमिक सेयर निष्कासनको सेयर बाँडफाँट भएको मितिले तीन वर्षभित्र सर्बसाधारण सरह हुने प्रावधान छ ।
तर सञ्चालकहरुले सञ्चालक समितिमा रहेको अवस्थामा र सञ्चालक समितिबाट बाहिरिएको एक वर्ष पुरा नभएसम्म भने आफूसँग भएको सेयर बिक्री गर्न भने पाउने छैनन् । सीडीएससी एन्ड क्लियिरिङ स्रोतका अनुसार लकिङ पिरियड खुलेता पनि कम्पनीको सेयरमा यो दिन सकारात्मक सर्किट लागेर बढ्नुमा केहि कारण हुन सक्छन् ।
पहिलो भनेको आजसम्म पनि कम्पनीको स्टक सिम्बोल ‘सीजीएच प्रमोटर’ संकेतमा नै छ । कम्पनीका संस्थापक(प्रमोटर) हरुले सर्बसाधारणमा रुपान्तरण गर्न आबेदन दिएका छन् तर सबै परिणत भएर खातामा आइसकेको छैन । अर्थात् यो सीडीएससीको प्रक्रियामा नै छ ।
आजसम्म सबै सेयर ‘सीजीएच’ भइसकेको अवस्था भने छैन । दोस्रो भनेको यो कम्पनीको सेयर सीमित व्यक्तिसँग भएको कारण पनि उनीहरुले मूल्य घटेर ८०० रुपैयाँसम्म आउँदा खेरि सस्तो मूल्यमा बेच्न नचाहेको पनि हुनसक्छ ।
र तेस्रो भनेको कम्पनीको अहिलेसम्मकै उच्च मूल्यबाट प्रतिकित्ता २ हजार रुपैयाँले घटेका कारण लगानीकर्ता यसमा आकर्षित भएको पनि हुन सक्ने स्रोतले बताएको छ ।
कम्पनीको चुक्तापूँजी १ अर्व ५३ करोड ४० लाख रुपैयाँ छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
