.gif)
_(1).gif)
.png)
.png)
काठमाण्डौ । सानिमा जिआइसी इन्स्योरेन्सले आफ्ना कर्मचारीलाई खुशी बनाएको छ । कम्पनीले गत वर्षमात्रै आफ्ना कर्मचारीहरुलाई ४ करोड ४५ लाख रुपैयाँ बोनस वितरण गरेको छ ।
कम्पनीले गत वर्ष बाँडेको कर्मचारी बोनस अघिल्लो वर्षको तुलनामा १७७.६८ प्रतिशतले बढी हो । अघिल्लो वर्ष कम्पनीले कर्मचारीलाई १ करोड ६० लाख रुपैयाँ मात्रै बोनस बाँडेको थियो ।
साविक सानिमा जनरल इन्स्योरेन्स र जनरल इन्स्योरेन्स मर्ज भई बनेको सानिमा जिआइसीले कम्पनीमा कार्यरत कर्मचारीको तलब पनि वृद्धि गरेको छ । कम्पनीले गत वर्ष कर्मचारीलाई १० करोढड ५२ लाख रुपैयाँ तलब वितरण गरेको छ । जुन यो अघिल्लो आवको तुलनामा १६१.८४ प्रतिशतले बढी हो । अघिल्लो आवमा कम्पनीले कर्मचारीलाई ४ करोड १ लाख रुपैयाँ तलब बाँडेको थियो ।
यसका साथै भत्ता स्वरुप कम्पनीले ७ करोड ९८ लाख रुपैयाँ वितरण गरेको छ । यो रकम पनि अघिल्लो आवको तुलनामा १५०।६१ प्रतिशतले बढी हो । अघिल्लो आवमा कम्पनीले कर्मचारीहरुलाई ३ करोड १८ लाख रुपैयाँ भत्ता प्रदान गरेको थियो । यसका साथै दशैं, तिहार र छठ जस्ता चापर्वमा दिने भत्ता पनि १५०.६१ प्रतिशतले वृद्धि भएको छ । अघिल्लो वर्षमा ४६ लाख रुपैयाँ मात्रै चाडपर्व भत्ता बाँडेको कम्पनीले गत आवमा ५९ लाख रुपैयाँ भत्ता बाडेको छ ।
(1).gif)
त्यस्तै, सामाजिक सुरक्षा कोष जस्ता सुविधामार्फत पनि कम्पनीले गत वर्षमा कर्मचारीको कोषमा १६१.८३ प्रतिशतले सुविधा बढाएर १ करोड ९२ लाख रुपैयाँ जम्मा गरिदिएको छ । यसका साथै बिदा बापत पाउने भत्ता पनि २७५.२० प्रतिशतले बढाएर १ करोड ८२ लाख रुपैयाँ वितरण गरेको छ । अघिल्लो आवमा कम्पनीले बिदा वापत वितरण गर्ने भत्ताका लागि ४६ लाख रुपैयाँ मात्रै छुट्याएको थियो ।
यसका साथै कर्मचारी तालिम, कर्मचारीको स्वास्थ्य तथा दुर्घटना बीमा र ओभरटाइम काम गरेबापत दिइने भत्तामा कम्पनीले १ करोड १७ लाख रुपैया छु्ट्याएको छ । जुन यो रकम अघिल्लो आवको तुलनामा १८४.०३ प्रतिशतले बढी हो । अघिल्लो आवमा कम्पनीले यी शिर्षकहरुमा ४१ लाख रुपैयाँ मात्रै छुट्याएको थियो ।
यसरी कम्पनीले गत आवमा कर्मचारी सेवा सुविधाका लागि कुल २८ करोड ४९ लाख रुपैयाँ खर्च गरेको छ । यो रकम अघिल्लो वर्षको तुलनामा १६१.१३ प्रतिशतले बढी हो । अघिल्लो वर्ष कम्पनीले कर्मचारी सुविधाका लागि १० करोड ९१ लाख रुपैयाँ मात्रै खर्च गरेको थियो ।
.gif)
.png)
.jpg)
.png)
.gif)
.gif)
