हिमालयन र नेपाल रि बाहेक सबै बीमा कम्पनीको सेयरभाउ बढ्यो, सर्वाधिक कमाउनेमा नेपाल इन्स्योरेन्स

काठमाण्डौ । बुधबार सेयरबजारमा झिनो अंकको बढोत्तरी भएको छ । नेप्से परिसूचक २.६६ अंकले बढेर २७८०.२५ विन्दुमा उक्लिएको छ ।  

नेप्सेमा सूचीकृत ३४७ कम्पनीको १ करोड ३५ लाख २१ हजार ६१९ कित्ता सेयर किनबेच हुँदा ५ अर्ब ७३ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक बढेको छ । जीवन बीमा समूह १.७३ प्रतिशत र निर्जीवन बीमा समूह ३.३७ प्रतिशतले बढेको छ ।  

बीमा समूह बढ्दा २६ बीमा कम्पनीको सेयरभाउ बढेको छ । सर्वाधिक कमाउनेमा नेपाल इन्स्योरेन्स रहेको छ । कम्पनीको सेयरभाउ ६.१७ प्रतिशतले बढेर ५५९.१० रुपैयाँ पुगेको छ ।  

त्यस्तै, हिमालयन एभरेष्टको ३.९२ प्रतिशत, आइजीआई प्रुडेन्सियलको ३.२७ प्रतिशत, नेको इन्स्योरेन्सको २.४५ प्रतिशत, एनएलजीको ५.८६ प्रतितश, नेपाल माइक्रो इन्स्योरेन्सको २.२९ प्रतिशत, प्रभुको ४.३८ प्रतिशत, आरबीसीएलको १.३१ प्रतिशत, सलिकोको ४.२० प्रतिशत, सानिमा जिआइसीको ५.३१ प्रतिशत, शिखरको २.८३ प्रतिशत, सिद्धार्थ प्रिमियरको २.९१ प्रतिशत र युनाइटेड अजोडको ३.२० प्रतिशतले बढेको छ ।  

यसका साथै एशियन लाइपको १.७५ प्रतिशत, सिटिजन लाइफको २.७७ प्रतिशत, क्रेष्ट माइक्रो लाइफको ४.३९ प्रतिशत, हिमालयन लाइफको १.४८ प्रतिशत, आइएमई लाइफको १.२२ प्रतिशत, एलआइसी नेपालको ०.६८ प्रतिशत, नेपाल लाइफको १.५८ प्रतिशत, नेशनल लाइफको १.३३५ प्रतिशत, प्रभु महालक्ष्मी लाइफको ३.०१ प्रतिशत, रिलायबल नेपाल लाइफको २.२० प्रतिशत, सूर्यज्योति लाइफको १.३३ प्रतिशत, सन नेपाल लाइफको २.२५ प्रतिशत, सानिमा रिलायन्स लाइफको २.३७ प्रतिशतले बढेको छ ।  

आज दुई पुनर्बीमा कम्पनीको मात्रै सेयरभाउ घटेको छ । नेपाल रि को सेयरभाउ ५.१८ प्रतिशतले घटेर १०८७.१० रुपैयाँ कायम भएको छ भने हिमालयन रि को ३.३९ प्रतिशतले घटेर ६६९.५० रुपैयाँ पुगेको छ ।