एभरेष्ट कलरको आईपीओमा ४४.५४ गुणा बढी आवेदन, साढे २६ लाखको हात खाली हुने पक्का !

काठमाण्डौ । एभरेष्ट कलर लिमिटेडको आईपीओमा अन्तिम दिनसम्म ४४.५४ गुणा बढी आवेदन परेको छ । सिडिएस एण्ड क्लियरिङ्ग लिमिटेडका अनुसार आज अन्तिम दिनसम्म कम्पनीको आईपीओमा २७ लाख १८ हजार ६५३ जनाले आवेदन दिएका छन् । 

कम्पनीको आईपीओमा कुल २ अर्ब ९२ करोड एक लाख ७६ हजार रुपैयाँ बराबरको २ करोड ९२ लाख एक हजार ७६० कित्ताका लागि आवेदन परेको छ, जुन यो मागभन्दा ४४ गुणा बढी हो । मागभन्दा बढी आवेदन परेकाले आईपीओ गोलाप्रथाद्वारा बाँडफाँड हुनेछ । 

१० कित्ताका दरले आईपीओ बाँडफाँड गर्दा ६५ हजार ५७० जनाले मात्रै सेयर प्राप्त गर्नेछन् । यसर्थमा साढे २६ लाख भन्दा बढीको हात खाली हुने निश्चित छ ।