सुनको मूल्यमा उच्च वृद्धि, प्रतितोला कतिमा हुँदैछ कारोबार ?

काठमाण्डौ । बहुमूल्य पहेँलो धातु सुनको मूल्य आज बढेको छ । स्थानीय बजारमा आज सुनको मूल्य बढेसँगै लागातार दुईदिनदेखिको गिरावट थामिएको हो ।

नेपाल सुनचाँदी व्यवसायी महासंघका अनुसार आज सुन अघिल्लो दिनको तुलनामा ५ हजार ३ सय रुपैयाँले महङ्गिएको छ ।

यो वृद्धिसँगै सुनको मूल्य आज प्रतितोला २ लाख ९२ हजार रुपैयाँ कायम भएको महासंघले जनाएको छ ।

अघिल्लो दिन भने सुनको भाउ ५ हजार १ सय रुपैयाँले घट्दै प्रतितोला २ लाख ८६ हजार ७ सय रुपैयाँमा सीमित बनेको थियो ।

यस्तै आज १० ग्राम सुनको भाउ २ लाख ५० हजार ३४० रुपैयाँ कायम भएको छ ।  

सुनसँगै चाँदीको भाउ पनि आज १९० रुपैयाँले वृद्धि भएको छ । चाँदी आज प्रतितोला ४ हजार ८४० रुपैयाँमा कारोबार हुँदैछ ।