.gif)
_(1).gif)
.png)
काठमाण्डौ । चालु आर्थिक वर्षको तेस्रो त्रैमासिक प्रतिवेदन अनुसार अधिकांश विकास बैंकको वित्तिय विवरण लगानीकर्ताले अपेक्षा गरे अनुसार आउन सकेको छैन । वाणिज्य बैंकहरु जस्तै विकास बैंकहरुको प्रतिवेदन पनि अपेक्षा अनुरुप आउन नसकेको हो ।
त्रैमासिक प्रतिवेदन अनुसार कामना सेवा विकास बैंकको वितरणयोग्य मुनाफा सबैभन्दा धेरै देखिएको छ । कामना सेवाको वितरणयोग्य मुनाफा २८ करोड ७३ लाख ३१ हजार रुपैयाँ रहेको छ । दोस्रो स्थानमा रहेको शाइन रेशुंगा डेभलपमेन्ट बैंकको वितरणयोग्य मुनाफा करिब १५ करोड रुपैयाँ रहेको छ ।
त्यसैगरि तेस्रो र चौथो स्थानमा रहेका गरिमा विकास बैंक र लुम्बिनी विकास बैंकको वितरणयोग्य मुनाफा क्रमशः १० करोड र ९ करोड हाराहारी छ । अधिकांश बैंकहरुको खराव कर्जा बढ्दा प्रोभिजनका लागि रकम छुट्टाउनु पर्दा बैंकहरुको वितरणयोग्य मुनाफामा असरको परेको छ ।
नेप्सेमा सूचिकृत १६ वटा विकास बैंकहरुमध्ये ७ वटाको वितरणयोग्य मुनाफा ऋणात्मक रहेको छ । जसमध्ये ज्योति विकास बैंकको वितरणयोग्य मुनाफा सबैभन्दा धेरै ऋणात्मक छ । यो बैंकको वितरणयोग्य मुनाफा २८ करोड ६६ लाख ५८ हजार रुपैयाँ ऋणात्मक रहेको छ ।
(1).gif)
त्यसैगरि, कर्णाली विकास बैंकको २ करोड ५१ लाख ३४ हजार , एक्सेल डेभलपमन्ट विकास बैंकको ८ करोड ३१ लाख , सिन्धु विकास बैंकको ७ करोड ३३ लाख , सप्तकोशी डेभलपमेन्ट बैंकको ४७ करोड ८७ लाख , सांग्रिला डेभलपमेन्ट बैंकको ६ करोड १ लाख रुपैयाँ भन्दा बढी वितरणयोग्य मुनाफा ऋणात्मक रहेको छ ।
विकास बैंकहरुमध्य सधै पहिलो स्थानमा रहंदै आएको मुक्तिनाथ विकास बैंकको वितरणयोग्य मुनाफामा पनि उल्लेख्य गिरावट आएको छ । यो बैंकको वितरणयोग्य मुनाफा जम्मा १ करोड २ लाख रुपैयाँ मात्रै रहेको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
