.gif)
_(1).gif)
.jpg)
.png)
काठमाण्डौ । स्वावलम्बन लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासको अपरिष्कृत वित्तीय विवरण सार्वजनिक गरेको छ । वित्तीय विवरणअनुसार संस्थाले तेस्रो त्रैमाससम्ममा ११ करोड ८६ लाख रुपैयाँ खुद नाफा कमाएको छ । जुत अघिल्लो आवको सोहि अवधिको तुलनामा १.३५ प्रतिशतले कम हो । अघिल्लो आवको सोहि अवधिसम्म संस्थाले १२ करोड २ लाख रुपैयाँ खुद नाफा आर्जन गरेको थियो ।
समीक्षा अवधिसम्म संस्थाको खुद ब्याज आम्दानी पनि २.२७ प्रतिशतले घटेको छ । अघिल्लो आवको तेस्रो त्रैमाससम्म १ अर्ब ४ करोड रुपैयाँ रहेको संस्थाको खुद ब्याज आम्दानी घटेर १ अर्ब २ करोड रुपैयाँमा सीमित बनेको छ ।
तेस्रो त्रैमाससम्म संस्थाले ९१ करोड ९६ लाख रुपैयाँ खुद सञ्चालन आम्दानी गरेको छ । यो रकम अघिल्लो आवको तुलनामा १.१६ प्रतिशतले कम हो । कर्मचारीका लागि ६३ करोड ४७ लाख रुपैयाँ खर्च गरेको संस्थाको अन्य सञ्चालन खर्च भने १० करोड ३१ लाख रुपैयाँ रहेको छ । संस्थाले इम्पेयरमेन्ट चार्जका लागि ३८ करोड ५७ लाख रुपैयाँको व्यवस्था गरेको छ ।
(1).gif)
संस्थाको रिटेन्ड अर्निङमा ८०.१४ प्रतिशतको गिरावट आएको छ । यससँगै संस्थाको रिडेन्ड अर्निङ ११ करोड ५७ लाख रुपैयाँमा सीमित बनेको छ । रिजर्भको आकार भने १ अर्ब ३८ करोडबाट बढेर १ अर्ब ६० करोड पुगेको छ ।
संस्थाको निक्षेप संकलन १३ अर्ब ७१ करोड र कर्जा प्रवाह १९ अर्ब १८ करोड रुपैयाँ रहेको छ । संस्थाको वितरणयोग्य मुनाफा ११ करोड ५७ लाख रुपैयाँबराबर छ ।
समीक्षा अवधिसम्म संस्थाको प्रतिसेयर आम्दानी भने घटेको छ । अघिल्लो आवको तेस्रो बैमाससम्म १४.४३ रुपैयाँ रहेको प्रतिसेयर आम्दानी(ईपीएस)घटेर ११.०२ मा सीमित बनेको छ । संस्थाको प्रतिसेयर नेटवर्थ २१९ रुपैयाँ, प्रतिसेयर कुल सम्पत्तिको मूल्य १ हजार ४३६.३२ रुपैयाँ,मूल्य आम्दानी अनुपात ७०.३४ गुणा र तरलता अनुपात ४.८० प्रतिशत कायम भएको छ ।
.gif)
.png)
.jpg)
.jpg)
(91).jpg)
(4).png)
.jpg)
.gif)
(1).gif)
.gif)
