तीन बीमा कम्पनीको मात्रै सेयरभाउ बढ्यो, सर्वाधिक गुमाउनेमा सिद्धार्थ प्रिमियर इन्स्योरेन्स

काठमाण्डौ । सोमबार सेयरबजारमा दोहोरो अंकको गिरावट आएको छ । नेप्से परिसूचक १६.५४ अंकले घटेर २६३२ विन्दुमा कायम भएको छ ।  

नेप्सेमा सूचीकृत ३५१ कम्पनीको ७६ लाख ९९ हजार २२७ कित्ता सेयर किनबेच हुँदा २ अर्ब ६७ करोड रुपैयाँमाथिको सेयर कारोबार भएको छ ।  

आज बीमा समूहका दुईवटै उपसूचक घटेका छन् । जीवन बीमा समूह ०.६९ प्रतिशत र निर्जीवन बीमा समूह १.३९ प्रतिशतले घटेको छ ।  

आज ३ बीमा कम्पनीको मात्रै सेयरभाउ बढेको छ । प्रभु इन्स्योरेन्सको ०.०१ प्रतिशतले बढेर ६८०.२० रुपैयाँ, गार्डियन माइक्रो लाइफको ०.२६ प्रतिशतले बढेर ११७० रुपैयाँ र नेशनल लाइफ इन्स्योरेन्सको ०.५१ प्रतिशतले बढेर ५७० रुपैयाँ पुगेको छ ।  

सर्वाधिक गुमाउनेमा भने सिद्धार्थ प्रिमियर इन्स्योरेन्स रहेको छ । कम्पनीको सेयरभाउ २.८२ प्रतिशतले घटेर ६८५.१० रुपैयाँ कायम भएको छ ।  

त्यस्तै, युनाइटेड अजोडको १.३२ प्रतिशत, हिमालयन एभरेष्टको ०.१९ प्रतिशत, आइजीआई प्रुडेन्सियलको १.११ प्रतिशत, नेपाल इन्स्योरेन्सको ०.१० प्रतिशत, नेको इन्स्योरेन्सको ०.४८ प्रतिशत, एनएलजीको १.३३ प्रतिशत, नेपाल माइक्रो इन्स्योरेन्सको २.१६ प्रतिशत, आरबीसीएलको २.६९ प्रतिशत, सलिकोको १.२२ प्रतिशत, सानिमा जिआइसीको २.२६ प्रतिशत, शिखरको ०.४७ प्रतिशत,  हिमालयन रि को ०.८५ प्रतिशत र नेपाल रि इन्स्योरेन्सको ०.६१ प्रतिशतले घटेको छ ।  

यसका साथै एशियन लाइफको ०.७३ प्रतिशत, सिटिजन लाइफको ०.५६ प्रतिशत, क्रेष्ट माइक्रो लाइफको ०.१७ प्रतिशत, हिमालयन लाइफको १.२५ प्रतिशत, आइएमई लाइफको ०.८८ प्रतिशत, एलआइसी नेपालको ०.७८ प्रतिशत, नेशनल लाइफको ०.८७ प्रतिशत, प्रभु महालक्ष्मी लाइफको १.१४ प्रतिशत, रिलायबल नेपाल लाइफको ०.८० प्रतिशत, सूर्यज्योति लाइफको ०.४७ प्रतिशत, सनस नेपाल लाइफको ०.९१ प्रतिशत र सानिमा रिलायन्स लाइफको ०.७८ प्रतिशतले घटेको छ ।