हिमालयन एभरेष्ट इन्स्योरेन्सको लाभांश सुरक्षित गर्ने आज अन्तिम दिन

काठमाण्डौ । हिमालयन एभरेष्ट इन्स्योरेन्स कम्पनीको लाभांश सुरक्षित गर्ने आज(माघ ११ गते) अन्तिम दिन रहेको छ ।

कम्पनीले लाभांश वितरण तथा साधारण सभा प्रयोजनका लागि माघ १४ गते बुक क्लोज गर्ने निर्णय गरेकाले आजसम्म कायम सेयरधनीहरु मात्रै कम्पनीको लाभांश प्राप्त गर्न र सभामा सहभागी हुन योग्य हुनेछन् ।

माघ १२ र १३ गते सेयर कारोबार नहुने भएकाले आजसम्म कायम सेयरधनी कम्पनीको लाभांशका लागि योग्य हुनेछन् ।

कम्पनीले गत आर्थिक वर्ष २०७९/८० का लागि ८.६३ प्रतिशत बोनस सेयर र ६.३७ प्रतिशत नगद लाभांश(कर प्रयोजनसहित) गरी कुल १५ प्रतिशत लाभांश वितरणको घोषणा गरेको छ । उक्त लाभांश कम्पनीको आगामी माघ २५ गते आयोजना हुने साधारण सभाबाट पारित भएपछि सेयरधनीहरुलाई वितरण गरिनेछ ।