.gif)
.jpg)
.png)
काठमाण्डौ । सिद्धार्थ म्युचुअल फण्डअन्तर्गत सञ्चालनमा रहेका दुई बन्दमुखी योजनाले आर्थिक वर्ष २०८२/८३ का लागि इकाईधनीलाई नगद प्रतिफल वितरण गर्ने भएका छन्।
योजना व्यवस्थापक सिद्धार्थ क्यापिटल लिमिटेडको भदौ १ गते सोमबार बसेको सञ्चालक समितिको २०७औँ बैठकले सिद्धार्थ इन्भेष्टमेन्ट ग्रोथ स्किम–२ र सिद्धार्थ इन्भेष्टमेन्ट ग्रोथ स्किम–३ का इकाईधनीलाई करसहित नगद लाभांश वितरण गर्ने निर्णय गरेको हो।
निर्णयअनुसार सिद्धार्थ इन्भेष्टमेन्ट ग्रोथ स्किम–२ का इकाईधनीले ८ प्रतिशत प्रतिफल पाउनेछन्। यस योजनाअन्तर्गत कुल ९ करोड ६० लाख रुपैयाँ नगद लाभांश वितरण हुनेछ।
त्यस्तै, सिद्धार्थ इन्भेष्टमेन्ट ग्रोथ स्किम–३ का इकाईधनीलाई १० प्रतिशत प्रतिफल वितरण गर्ने निर्णय भएको छ। यस योजनाअन्तर्गत कुल ८ करोड ५ लाख ८० हजार रुपैयाँ नगद लाभांश वितरण गरिनेछ। दुवै योजनाको घोषित प्रतिफलमा लाग्ने करसमेत समावेश गरिएको छ।
सिद्धार्थ क्यापिटलका अनुसार सिद्धार्थ म्युचुअल फण्डअन्तर्गत सञ्चालनमा रहेका सिद्धार्थ इक्विटी फण्ड र सिद्धार्थ इक्विटी फण्ड–२ का इकाईधनीलाई भने आर्थिक वर्ष २०८२÷८३ का लागि कुनै लाभांश वितरण नगर्ने निर्णय गरिएको छ।
.png)
.jpg)
(1).jpg)
(1)(1).jpg)
(1).png)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।