.gif)
_(1).gif)
.png)
काठमाण्डौ । आज पोखरा फाइनान्सको सेयरमूल्य १० प्रतिशतले घटेर नकारात्मक सर्किट लागेको छ । सेयर बजारमा खेलाडीको पछाडी लाग्दा सोझा लगानीकर्ताको सम्पत्ति कसरी एकै झट्कामा गुम्छ भन्ने गतिलो उदाहरण बनेको छ पोखरा फाइनान्स ।
आजकै कारोबारमा केही समय पहिले ३ लाखभन्दा बढी खरिदकर्ता रहेको यस कम्पनीमा बजार घट्दै जाँदा सेयरमूल्य १० प्रतिशतले घटेर टीएमएसमा माग पक्ष शुन्य रहेको छ । यसलाई कुनै स्क्रिप्टबाट खेलाडीले हात झिकेको अवस्थमा के हुन्छ भन्ने दृष्दान्तका रुपमा लिन सकिन्छ ।
वित्तीय अवस्था कमजोर रहेको यो कम्पनीको सेयरमूल्य भने ३ महिनाकमो अवधिमा निकै बढिसकेको छ । गत माघ २१ गते प्रतिकित्ता ३७० रुपैयाँमा कारोबार बन्द भएको यो कम्पनीको सेयरमूल्य बढेर ८ सयसम्म पुगेको छ । कम्पनीको वित्तीय अवस्थामा राम्रो भएर वा लाभांशका कारण सेयरमूल्य बढेको भने होइन । कम्पनीको वित्तीय अवस्था नियाल्ने हो भने नाजुक अवस्थामा छ । चालु आवको तेस्रो त्रैमाससम्ममा कम्पनीले १७ करोड २३ लाख रुपैयाँ घाटा व्यहोरेको छ । कम्पनीको खराब कर्जा अनुपात पनि ४.८२ प्रतिशतबाट बढेर ७.९१ प्रतिशत पुगेको छ ।
(1).gif)
कम्पनीको खराब आर्थिक अवस्थाका बाबाजुत केहि सेयर खेलाडीले कम्पनीको सेयरमूल्य उचालेर सोझा लगानीकर्तालाई महंगोमा भिडाउने रणनीतिका आज कम्पनीको सेयरमूल्य नकारात्मक सर्किट लागेको छ । लगानीकर्ता रुपेश महर्जनले खेलाडीको सेयरमा लगानीकर्ता कसरी डुब्छन भन्ने प्रमाण पोखरा फाइनान्स बनेको बताएका छन् । ‘यो कम्पनीको सेयर एकै महिनामा ३९२ मा बाट बढेर ८ सय सम्म पुगेको थियो । क्लबहाउमा नै यो कम्पनीको व्यापाक चर्चा भएपछि थुप्रै लगानीकर्ताहरु खरिद गरेर डुब्न थालेको बताएका छन् ।’ महर्जनले भने ।
केहि लगानीकर्ताले सामाजिक सञ्जालमा अन्य कम्पनीमा गुमाएता पनि पोखारा फाइनान्सको सेयरमा भने मनग्य आम्दानी गरेको बताउने गरेका थिए । खराब आर्थिक अवस्था भएका कम्पनीहरुको सेयरमूल्यमा यसरी खुलेआम चलखेल हुँदा पनि नियामक निकाय भने बेखबर झै बनेको छ ।
.gif)
.png)
.png)
(87).jpg)
(105).jpg)
(99).jpg)
.gif)
.gif)
