.gif)
_(1).gif)
.png)
काठमाण्डौ । बरुण हाईड्रोपावर कम्पनी इलेक्ट्रिक कम्पनी लिमिटेडले चालु आवको तेस्रो त्रैमाससम्म ४ करोड ९२ लाख रुपैयाँ घाटा व्यहोरेको छ । अघिल्लो आवको तेस्रो त्रैमाससम्म भने कम्पनीले १ करोड ४२ लाख रुपैयाँ नाफा कमाएको थियो ।
कम्पनीको खुद विद्युत बिक्री आम्दानी शुन्य रहेको छ । कम्पनीको हेवाखोला साना जलविद्युत आयोजना स्थल असार २ गतेको बाढीले पूर्ण रुपमा क्षतिग्रस्त अवस्थामा रहेकाले कम्पनीले विद्युत बिक्रीमार्फत कुनै पनि आम्दानी गर्न सकेको छैन । यो त्रैमाससम्म कम्पनीले ८ लाख ६५ हजार रुपैयाँबराबरको गैर सञ्चालन आम्दानी गरेको छ । कम्पनीको प्रशासनिक खर्च ८४ लाख ४ हजार रुपैयाँ रहेको छ ।
(1).gif)
कम्पनीको चुक्तापूँजी ५३ करोड ५८ लाख रुपैयाँ रहेको छ । कम्पनीले सेयर प्रिमियम(हकप्रद) शीर्षक अन्तर्गत ४ करोड ३७ लाख रुपैयाँ सञ्चित गरेको छ । तेस्रो त्रैमाससम्म कम्पनीको कुल चालु सम्पत्ति ११ करोड ६६ लाख र कुल चालु दायित्व १ करोड ७४ लाख रुपैयाँ छ ।
समीक्षा अवधिसम्म कम्पनीको प्रतिसेयर आम्दानी(ईपीएस) १२.२७ रुपैयाँ ऋणात्मक ,प्रतिसेयर नेटवर्थ १०२.४१ रुपैयाँ,मूल्य आम्दानी अनुपात १९.४८ गुणा ऋणात्मक र तरलता अनुपात ६.६९ प्रतिशत कायम भएको छ ।
.png)
.png)
(64).jpg)
.jpg)
.gif)
(1).gif)
.gif)
