.gif)
_(1).gif)
.jpg)
.png)
काठमाण्डौ । महुली लघुवित्त वित्तीय संस्था लिमिटेडको नाफामा उल्लेख्य सुधार आएको छ । संस्थाले चालु आवको तेस्रो त्रैमाससम्म ३ करोड २२ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा १३८.१४ प्रतिशतले धेरै हो । गत आवको तेस्रो त्रैमाससम्म संस्थाले १ करोड ३५ लाख रुपैयाँ मात्रै नाफा आर्जन गरेको थियो ।
नाफामा उल्लेख्य सुधार आएपनि संस्थाको खुद ब्याज आम्दानी भने घटेको छ । समीक्षा अवधिसम्म संस्थाले १९ करोड ४० लाख रुपैयाँ खुद ब्याज आम्दानी आर्जन गरेको छ । जुन अघिल्लो आवको तुलनामा ६.०२ प्रतिशतले कम हो । अघिल्लो आवको तेस्रो त्रैमाससम्म संस्थाले २० करोड ६४ लाख रुपैयाँ खुद ब्याज आम्दानी गरेको थियो ।
यो अवधिमा संस्थाको खुद सञ्चालन आम्दानी भने १५.६२ प्रतिशतले बढेको छ । संस्थाले तेस्रो त्रैमाससम्म २० करोड ६३ लाख रुपैयाँबराबरको खुद सञ्चालन आम्दानी गरेको छ । संस्थाको सञ्चालन मुनाफा ४ करोड १२ लाख रुपैयाँबराबर रहेको छ ।
तेस्रो त्रैमाससम्म संस्थाले कर्मचारीका लागि १२ करोड ६८ लाख र अन्य सञ्चालनका लागि ३ करोड १ लाख रुपैयाँ खर्च गरेको छ ।
(1).gif)
समीक्षा अवधिसम्म संस्थाको रिटेन्ड अर्निङ घटेको छ भने रिजर्भको आकार बढेको छ । रिटेन्ड अर्निङ १ करोड ६४ लाख रुपैयाँबाट घटेर १ करोड १२ लाख रुपैयाँमा सीमित बनेको छ । रिजर्भको आकार भने २६ करोड ६४ लाख रुपैयाँबाट बढेर ३० करोड २८ लाख रुपैयाँ पुगेको छ ।
संस्थाको चुक्तापूँजी ३२ करोड २३ लाख र वितरणयोग्य मुनाफा १ करोड १२ लाख रुपैयाँ रहेको छ । तेस्रो त्रैमाससम्म १ अर्ब ६० करोड रुपैयाँ निक्षेप संकलन गरेको संस्थाले ४ अर्ब ४७ करोड रुपैयाँबराबरको कर्जा प्रवाह गरेको छ ।
इम्पेयरमेन्ट चार्जका लागि ३ करोड ४१ लाख रुपैयाँ छुट्टाएको संस्थाको खराब कर्जा अनुपात घटेको छ । खराब कर्जा अनुपात ७.७८ प्रतिशतबाट घटेर ४.९० प्रतिशतमा झरेको छ ।
समीक्षा अवधिसम्म संस्थाको प्रतिसेयर आम्दानी(ईपीएस) १३.३५ रुपैयाँ, प्रतिसेयर नेटवर्थ १९७.४३ रुपैयाँ, प्रतिसेयर कुल सम्पत्तिको मूल्य १ हजार ४८९.९३ रुपैयाँ, मूल्य आम्दानी अनुपात ७९.५५ गुणा र तरलता अनुपात १५.०६ प्रतिशत कायम भएको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
