.gif)
(1).gif)
.png)
काठमाण्डौ । जनउत्थान सामुदायिक लघुवित्त वित्तीय संस्था लिमिटेडले ९५ लाख ९ हजार रुपैयाँ खुद नाफा आर्जन गरेको छ । जुन अघिल्लो आवको सोही अवधिको तुलनामा १६३.०९ प्रतिशतले बढी हो । अघिल्लो आवको सोही अवधिसम्म संस्थाले ३६ लाख १४ हजार रुपैयाँ मात्रै खुद नाफा कमाएको थियो ।
संस्थाको खुद ब्याज आम्दानीमा भने घटेको छ । संस्थाले तेस्रो त्रैमाससम्म ६ करोड ४० लाख रुपैयाँ खुद ब्याज आम्दानी गरेको छ । जुन अघिल्लो आवको सोही अवधिको तुलनामा ८.३० प्रतिशतले कम हो । अघिल्लो आवको समीक्षा अवधिसम्म संस्थाले ६ करोड ९८ लाख रुपैयाँ खुद ब्याज आम्दानी गरेको थियो । तेस्रो त्रैमाससम्म संस्थाको कुल सञ्चालन आम्दानी ८ करोड ७१ लाख र सञ्चालन मुनाफा ७६ लाख ६ हजार रुपैयाँले ऋणात्मक रहेको छ ।
.gif)
संस्थाले कर्मचारीका लागि ५ करोड ९२ लाख र अन्य सञ्चालनका लागि १ करोड ९५ लाख रुपैयाँ खर्च गरेको छ । संस्थाको रिजर्भको आकार ६.२७ प्रतिशतले घट्दै ८ करोड ५५ लाख रुपैयाँमा सीमित भएको छ ।
संस्थाको खराब कर्जा अनुपात केहि घटेको छ । संस्थाको खराब कर्जा अनुपात ११.४८ प्रतिशतबाट घटेर १०.३१ प्रतिशत कायम भएको छ ।
समीक्षा अवधिसम्म संस्थाको प्रतिसेयर आम्दानी(ईपीएस)७.४५ रुपैयाँ ,,प्रतिसेयर नेटवर्थ १५०.२७ रुपैयाँ,मूल्य आम्दानी अनुपात १५१.४० गुणा ,प्रतिसेयर कुल सम्पत्तिको मूल्य १ हजार ३६३.७५ रुपैयाँ र तरलता अनुपात ६.६७ प्रतिशत कायम भएको छ ।
.gif)
.png)
.png)
.jpg)
(1).png)
(1)(1).jpg)
.gif)
.gif)
.gif)
