अपर तामाकोशीका ४ सञ्चालकको पदावधि समाप्त

काठमाण्डौ । अपर तामाकोशी हाइड्रोपावर लिमिटेडका सर्वसाधारण सेयरधनी समूहबाट निर्वाचित चार सञ्चालकको पदावधि समाप्त भएको छ।

कम्पनीले कम्पनी रजिस्ट्रारको कार्यालयलाई पत्र पठाउँदै सञ्चालकहरू सुजना सुवेदी, राजन श्रेष्ठ, हरि प्रसाद भुर्तेल र दिपक कार्कीको चारवर्षे कार्यकाल पूरा भएको जानकारी गराएको हो।

कम्पनीका अनुसार २०७९ भदौ ३ गते सम्पन्न चौथो वार्षिक साधारणसभाबाट कम्पनीको संशोधित नियमावलीबमोजिम चार वर्षका लागि सर्वसाधारण समूहबाट एक महिलासहित चार जना सञ्चालक निर्वाचित भएका थिए।

उनीहरूको पदावधि कम्पनीको नियमावलीको नियम ८(३) तथा कम्पनी ऐन, २०६३ को दफा ९०(२) बमोजिम २०८३ भदौ २ गतेदेखि चार वर्ष पूरा भएको कम्पनीले जनाएको छ।

कम्पनीले असोज ५ गते कम्पनी रजिस्ट्रारको कार्यालयलाई यसबारे औपचारिक जानकारी गराएको हो।

पदावधि समाप्त भएका सञ्चालकमा सुजना सुवेदी, राजन श्रेष्ठ, हरि प्रसाद भुर्तेल र दिपक कार्की रहेका छन्।