१ लाख कित्ता सेयर बेच्ने तयारीमा कालिञ्चोक दर्शनका ठूला सेयरधनी

काठमाण्डौ ।  कालिञ्चोक दर्शन लिमिटेडका ठूला सेयरधनी सञ्जयकुमार जैनले कम्पनीको १ लाख कित्ता सेयर बिक्री गर्ने भएका छन्।

कम्पनीले नेपाल स्टक एक्सचेञ्ज (नेप्से)लाई पत्र पठाउँदै जैनले १ लाख कित्ता सेयर बिक्री गर्न चाहेको जानकारी दिएको हो।

धितोपत्रसम्बन्धी प्रचलित व्यवस्थाअनुसार कुनै सूचीकृत कम्पनीमा ५ प्रतिशत वा सोभन्दा बढी सेयर स्वामित्व भएका आधारभूत सेयरधनीले आफ्नो सेयर बिक्री गर्न चाहेमा कारोबार गर्नुभन्दा कम्तीमा १५ दिनअघि सम्बन्धित निकायलाई जानकारी गराउनुपर्ने व्यवस्था छ।

सोही व्यवस्थाअनुसार कालिञ्चोक दर्शनले जैनको सेयर बिक्री योजनाबारे नेप्सेलाई पूर्वजानकारी गराएको हो।

कम्पनीले नेप्सेलाई दिएको विवरणअनुसार सेयर बिक्री गर्न चाहने सेयरधनीको नाम सञ्जयकुमार जैन रहेको छ भने उनले १ लाख कित्ता सेयर बिक्री गर्ने योजना बनाएका छन्।

नेपाल धितोपत्र बोर्डले हालै सूचीकृत कम्पनीका आधारभूत सेयरधनीले ठूलो परिमाणमा सेयर बिक्री गर्दा बजारमा पारदर्शिता कायम गर्न पूर्वसूचना दिनुपर्ने व्यवस्था कार्यान्वयनमा ल्याएको छ। यही व्यवस्थाअन्तर्गत कालिञ्चोक दर्शनले पनि बिक्रीपूर्व जानकारी गराएको हो।