तोलामै ३८ सय रुपैयाँले घट्यो सुनको भाउ, प्रतितोला कति ?

काठमाण्डौ । सुनको मूल्य आज तोलामै ३८ सय रुपैयाँले घटेको छ । नेपाल सुनचाँदी व्यवसायी महासंघका अनुसार आजको लागि सुनको भाउ प्रतितोला २ लाख ९० हजार ५०० रुपैयाँ कायम भएको छ ।  

अघिल्लो दिन सुनको मूल्य प्रतितोला २ लाख ९४ हजार ३०० रुपैयाँ रहेको थियो ।  

सुनसँगै चाँदीको मूल्य पनि तोलामै ११५ रुपैयाँले घटेको छ । महासंघका अनुसार आजको लागि चाँदीको भाउ प्रतितोला ४ हजार ३९५ रुपैयाँ तोकिएको छ।  

अघिल्लो कारोबार दिन चाँदीको भाउ प्रतितोला ४ हजार ५१० रुपैयाँ रहेको थियो ।