सगरमाथा जलविद्युतको नाफा ४८.८ प्रतिशतले घट्यो, ईपीएस कति ?

काठमाण्डौ । सगरमाथा जलविद्युत कम्पनी लिमिटेडको चालु आर्थिक वर्ष २०८३/८४ को पहिलो त्रैमासमा खुद नाफा उल्लेख्य घटेको छ।

कम्पनीले सार्वजनिक गरेको अपरिष्कृत वित्तीय विवरणअनुसार असोज मसान्तसम्म १ करोड ५७ लाख ५ हजार रुपैयाँ खुद नाफा कमाएको छ। गत आर्थिक वर्षको सोही अवधिमा कम्पनीले ३ करोड ६ लाख ८७ हजार रुपैयाँ नाफा कमाएको थियो। यस आधारमा कम्पनीको नाफा करिब ४८.८ प्रतिशतले घटेको हो।

समीक्षा अवधिमा विद्युत् बिक्रीबाट हुने आम्दानी पनि घटेको छ। कम्पनीले पहिलो त्रैमासमा विद्युत् बिक्रीबाट ५ करोड ९३ लाख ७३ हजार रुपैयाँ आम्दानी गरेको छ। गत वर्षको सोही अवधिमा यस्तो आम्दानी ८ करोड ११ लाख ५७ हजार रुपैयाँ थियो।

कम्पनीको कुल नाफा ७ करोड ४२ लाख ३८ हजार रुपैयाँबाट घटेर ५ करोड १९ लाख ४१ हजार रुपैयाँमा सीमित भएको छ।

सञ्चालन नाफा पनि घटेर ५ करोड ३ लाख ८६ हजार रुपैयाँमा झरेको छ। गत वर्षको सोही अवधिमा सञ्चालन नाफा ७ करोड २७ लाख ३५ हजार रुपैयाँ थियो।

समीक्षा अवधिमा कम्पनीको वित्तीय लागत १ करोड ९५ लाख ४६ हजार रुपैयाँ रहेको छ।

असोज मसान्तसम्म कम्पनीको कुल सम्पत्ति २५ अर्ब ६६ करोड ६७ लाख रुपैयाँ रहेको छ। कम्पनीको कुल इक्विटी १३ अर्ब १ करोड ४१ लाख रुपैयाँ छ।

कम्पनीको चुक्तापुँजी ११ अर्ब ७३ करोड २० लाख रुपैयाँ रहेको छ भने सञ्चित नाफा १ अर्ब २८ करोड २० लाख रुपैयाँ पुगेको छ।

कम्पनीको वार्षिकीकृत प्रतिसेयर आम्दानी ५.३५ रुपैयाँ रहेको छ भने प्रतिसेयर नेटवर्थ ११०.९३ रुपैयाँ रहेको छ।