.gif)
.gif)
.png)
काठमाण्डौ । साताको दोस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । आज नेप्से परिसूचक १.३३ प्रतिशत अर्थात २७.५४ अंकले बढेर २०९२ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.९९ प्रतिशतले बढेर ३७४.०७ विन्दुमा पुगेको छ । यो दिन नेप्सेमा सूचीकृत मध्ये ३१५ वटा कम्पनीको १ करोड ४३ लाख ७० हजार ६८९ कित्ता सेयर ५ अर्ब ८५ करोड ४३ लाख रुपैयाँभन्दा बढीको कारोबार भएको छ ।
आजको बजारबारे बजार जानकार गोविन्दप्रसाद घिमिरे भन्छन्, ‘हिजो आजको बढोत्तरीलाई सामान्य नै मान्न सकिन्छ । किनकी १८ देखि २१ सयसम्मको वृद्धि सामान्य हो । यो समयमा सिजनल कारोवारी पनि हावी हुने हुँदा बजारमा कारोबार र सूचक दुवै बढ्ने गर्छ । सरकारले बजेट तथा मौद्रिक नीतिमा सुधार गर्दै जाने बताएका कारण आजको कारोबारमा केहि संस्थागत लगानीकर्ताले पनि सेयर उठाएको हुनसक्छ । ’
अर्का बजार जानकार दामोदर गजुरेल बजार सेक्टर परिवर्तन हुँदै चलेको बताउँछन् । ‘केहि सेक्टरमा नाफा बुक हुँदा जलविद्युत क्षेत्रमा आज बढोत्तरी आएको छ । यद्यपी आज सकारात्मक रहेको बजारले केहि दिन अझै निरन्तरता पाउने देखिन्छ ।’
यो दिन नेप्सेमा सूचीकृत १३ वटा समूहमध्ये ८ वटा समूहमा मात्रै हरियाली छायो भने अन्य ५ वटा समूहमा रातो पोतियो । आज बैंकिङ समूहमा सबैभन्दा धेरै वृद्धि देखियो । यो समूह आ्ज ४.१८ प्रतिशतले बढ्यो ।
त्यस्तै विकास बैंक समूह ०.४२,होटल ०.३९,हाईड्रो १.३८,लगानी १.८४,म्युचुअल फण्ड १.२४,अन्य ०.५२ र व्यापार समूह २.२३ प्रतिशतले बढ्यो ।
आज वित्त समूह ०.५७,जीवन बीमा ०.०८,उत्पादन तथा प्रशोधन ०.५२,लघुवित्त ०.६५ र निर्जीवन बीमा समूह ०.५० प्रतिशतले घट्यो ।
सबेभन्दा धेरै कारोबार गर्ने कम्पनीहरु
यो दिन पोखरा फाइनान्स कम्पनीको सबैभन्दा धेरै कारोबार भयो । आज यो कम्पनीको १९ करोड ९२ लाख बढीको सेयर कारोबार भयो ।
यस्तै आज सिईडिबि हाईड्रोपावरको १८ करोड ८९ लाख,फर्स्ट माईक्रोफाइनान्सको १३ करोड ४८ लाख,साइन रेसुंगा डेभलपमेन्ट बैंकको १३ करोड ४२ लाख र एनआईसी एशिया बैंकको ११ करोड २९ लाख बढीको सेयर कारोबार भयो ।
धरै कमाउने र गुमाउने कम्पनीहरु
यो दिन सामुदायिक लघुवित्त, बुद्धभुमी नेपाल हाईड्रो,भगवती हाईड्रो र नेरुडे मिर्मिरे लघुवित्तको सेयरमूल्यमा सकारात्मक सर्किट लाग्यो । आज बाराही हाईड्रोको सेयरमूल्य ९.०९,एनआईसी एशिया बैंक ९.०६,माईखोला हाईड्रो ८.२१ र छ्याङदी हाईड्रोको सेयरमूल्य ७.३५ प्रतिशतले बढ्यो ।
आज उपकार लघुवित्तको सेयरमूल्य सर्वाधिक अर्थात ७.४० प्रतिशतले घट्यो । यो दिन श्रृजनशिल लघुवित्तको सेयरमूल्य ६.३५,मनकामना स्मार्ट लघुवित्तको ५.७९ र युनिक नेपाल लघुवित्तको सेयरमूल्य ५.६६ प्रतिशतले घट्यो ।
.png)
.png)
.jpg)
(67).jpg)
.jpg)
.gif)
