.gif)
_(1).gif)
काठमाण्डौ । शिखर इन्स्योरेन्स नेपाल स्टक एक्सचेञ्जमा सूचीकृत १२ वटा निर्जिवन बीमा कम्पनीहरु मध्य एक हो । यो कम्पनी २०६१ साल मंसिर महिनामा स्थापना भएको हो । हाल यो कम्पनीको उपत्यका र उपत्यका बाहिर गरेर ११० वटा शाखा सञ्चालनमा छन् ।
आधाभूत पक्षः
यस आर्थिक वर्षको तेस्रो त्रैमासिक प्रतिवेदनअनुसार कम्पनीको चुक्तापूँजी २ अर्ब ६५ करोड ४९ लाख रुपैयाँ रहेको छ । कम्पनीको जगेडा कोषमा २ अर्ब ५० करोड ६३ लाख रुपैयाँ सञ्चित छ । कम्पनीको कुल पूँजी ५ अर्व २९ करोड ६४ लाख रुपैयाँ रहेको छ । कम्पनीको खुद मुनाफा ३९ करोड २ लाख ७३ हजार रुपंैयाँ रहेको छ ।
त्यसैगरि, कम्पनीको प्रतिसेयर आम्दानी १९.६ रुपैयाँ कायम छ । जुन अघिल्लो आवको सोही अवधिको तुलनामा करिब १४ प्रतिशतले बढी हो । कम्पनीको बुक भ्यालु १९९ रुपैयाँ रहेको छ । यो भनेको अघिल्लो आर्थिक वर्षको सोही अवधिको तुलनामा ६ प्रतिशतले बढी हो । कम्पनीको रिर्टन अन इक्विटी ९.८२ प्रतिशत रहेको छ । यो पनि अघिल्लो आवको तुलानामा करिब ८ प्रतिशतले बढी हो ।
फिएर एण्ड ग्रिड मिटरको आधारमा
फिएर एण्ड ग्रिड मिटरको आधारमा यो कम्पनीको सेयर हाल ७५ को तह अर्थात बुलिस सेन्टिेमन्टमा चलेको छ । यो भनेको यस कम्पनीमा लगानीकर्ताहरुको आकर्षण बढेको छ भन्ने हो । कम्पनीको ५२ साताको उच्च मूल्य ९ सय रुपैयाँ र न्यून मूल्य ६७८ रुपैयाँ रहेको छ । कम्पनीमा ५१ प्रतिशत सेयर संस्थापक समूह र ४९ प्रतिशत सेयर सर्बसाधारण समूहको छ । कम्पनीको बजार पूँजीकरण करिब १९ अर्ब रुपैयाँ रहेको छ ।
(1).gif)
बोलिङ्गर ब्याण्ड, म्याक्डी र आरएसआई
बोलिङ्गर ब्याण्डको आधारमा यो कम्पनीको सेयर भाउ हाल अपर ब्याण्डमा चलेको देखिन्छ । आज अपर ब्याण्डमा वियरिस प्रकृतिको क्याण्डल बनेको छ ।
त्यसैगरि, म्याक्डीमा यस अघि नै बुलिस क्रसओभर बनेको छ । हिस्टोग्राम सकरात्मक र लामा–लामा हुँदै गएका छन् । आरएसआई ओभर बट जोन ७० मा पुगेर हुक बनाएको छ । समग्रमा ३ वटै इन्डिकेटरबाट नियाल्दा यस कम्पनीमा अल्पकालिन करेक्सन हुन सक्ने देखिन्छ ।
पिभट् प्वइन्ट
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –७२३
प्रतिरोध २ –७१९
प्रतिरोध १– ७०४
पिभट प्वइन्टः ६९०
घटेमा सपोर्ट
सपोर्ट १– ६७५
सपोर्ट २– ६६१
सपोर्ट ३ –६४०
निष्कर्षः अघिल्लो आर्थिक वर्षको यहि अबविधिको तुलनामा यस कम्पनीको जगेडा कोष करिब ३ सय प्रतिशतले बढेको छ । कम्पनीको खूद मुनाफा, प्रतिसेयर आम्दानी , बुक भ्यालु र रिर्टन अन इक्विटीमा पनि सुधार आएको छ । यस हिसाबले हेर्दा आधारभुत रुपमा यो कम्पनी बलियो अवस्थामा देखिन्छ । विगतमा कम्पनीले एकपटक ५० प्रतिशत र २ पटक ३० ÷३० प्रतिशत हकप्रद जारी गरेको थियो ।
कम्पनीको ८ वर्षको औषत लाभांशदर ३०.६ प्रतिशत रहेको छ । प्राविधिक रुपमा कम्पनीको सेयर भाउलाई नियाल्दा बोलिङ्गर ब्याण्डको अपर ब्याण्डमा वियरिस प्रकृतिको क्याण्डल बन्नु र आएसआई ओभरबट जोनमा पुगेका कारण अल्पकालमा भने केही करेक्नस आउन सक्ने देखिन्छ । यद्यपी अल्पकालमा करेक्सन भएता पनि दीर्घकालमा भने अप ट्रेण्ड लिन सक्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.png)
(86).jpg)
.jpg)
.jpg)
.gif)
.gif)
