बुधबार, मंसिर २,२०८३ 02:36:15
  • बुधबार, मंसिर २,२०८३ 02:36:15
Global IME Bank Limited

१० अर्ब ७३ करोडको सहकारी ठगी प्रकरणमा बराह बचतका अध्यक्ष शिव लामिछाने पक्राउ

Bizshala
१० अर्ब ७३ करोडको सहकारी ठगी प्रकरणमा  बराह बचतका अध्यक्ष शिव लामिछाने पक्राउ
New Office

 

काठमाण्डौ । धरानस्थित बराह बचत तथा ऋण सहकारी संस्थाको अर्बौं रुपैयाँ अपचलन प्रकरणमा फरार रहेका अध्यक्ष शिवकुमार लामिछाने (विश्वकर्मा) पक्राउ परेका छन्।

केन्द्रीय अनुसन्धान ब्युरो (सीआईबी) को टोलीले लामिछानेलाई सुनसरीबाट पक्राउ गरेको हो। उनको पक्राउबारे सुनसरीका प्रहरी प्रमुख एसपी पुष्पराज मल्लले पुष्टि गरेका छन्।

लामिछानेमाथि हजारौं बचतकर्ताको रकम हिनामिना गरेको आरोप छ। बराह सहकारीका सञ्चालकहरूले धरानसहित देशका विभिन्न स्थानका चार हजार ७७२ जनाभन्दा बढी बचतकर्ताको १० अर्ब ७३ करोड रुपैयाँभन्दा बढी रकम अपचलन गरेको आरोपमा अनुसन्धान हुँदै आएको छ।

प्रहरीको अनुसन्धान प्रतिवेदनअनुसार सहकारीमार्फत कुल १० अर्ब ७३ करोड ४३ लाख ४७ हजार ९१३ रुपैयाँ हिनामिना तथा अपचलन भएको निष्कर्ष निकालिएको थियो। उक्त प्रकरणमा लामिछानेमाथि मात्रै २ अर्ब ७१ करोड ३१ लाख ६० हजार २४ रुपैयाँ हिनामिना गरेको अभियोग लगाइएको छ।

बचतकर्ताको रकम फिर्ता गर्न नसकेपछि लामिछानेसहित सहकारीका सञ्चालकहरू फरार भएका थिए। लामो समयसम्म आफ्नो बचत फिर्ता नपाएपछि पीडितहरूले प्रहरीमा उजुरी दिएका थिए।

Shivam Cement
Mahalaxmi Development Bank
CG Motors

उजुरीका आधारमा जिल्ला प्रहरी कार्यालय सुनसरीले प्रहरी निरीक्षक दिनेश अधिकारीको नेतृत्वमा अनुसन्धान अघि बढाएको थियो। अनुसन्धानबाट सहकारीको रकम व्यापक रूपमा अपचलन भएको निष्कर्षसहित सम्बन्धित व्यक्तिहरूविरुद्ध अभियोग अघि बढाइएको थियो।

यसैबीच, गृहमन्त्री सुदन गुरुङले लामिछानेको पक्राउलाई पूर्वका सहकारीपीडितलाई न्याय दिलाउने अभियानको महत्त्वपूर्ण उपलब्धिका रूपमा प्रस्तुत गरेका छन्।

सामाजिक सञ्जालमार्फत उनले बराह सहकारीका मुख्य योजनाकार भनिएका लामिछानेलाई पक्राउ गरिएको जानकारी दिँदै पूर्वका बचतकर्ताको पीडालाई न्यायमा परिणत गर्न सरकारले अनुसन्धान र कारबाही तीव्र बनाएको बताएका छन्।

गुरुङले आफू अभियन्ताका रूपमा धरानमा ‘सेभ घोपा’ अभियानमा सहभागी हुँदादेखि नै पूर्वका नागरिकको पीडासँग परिचित रहेको उल्लेख गरेका छन्। गृहमन्त्रीको जिम्मेवारी सम्हालेपछि उक्त प्रकरणका फरार व्यक्तिहरूको खोजीलाई प्राथमिकतामा राखेको उनको दाबी छ।

उनले ५ अर्ब ८८ करोड रुपैयाँभन्दा बढी बिगो हिनामिनासँग सम्बन्धित प्रकरणका मुख्य योजनाकारलाई कानुनी दायरामा ल्याउन सफल भएको दाबी गर्दै बाँकी आरोपितको खोजी तथा कारबाहीलाई पनि तीव्र बनाइने बताएका छन्।

Garima Development Bank
Bizshala
IME remit

यद्यपि प्रहरीले अनुसन्धानमा उल्लेख गरेको कुल अपचलन रकम १० अर्ब ७३ करोड रुपैयाँभन्दा बढी छ। गृहमन्त्रीले उल्लेख गरेको ५ अर्ब ८८ करोड रुपैयाँ र प्रहरी अनुसन्धानमा देखिएको कुल रकमबीचको अन्तर कुन आधारमा कायम भएको हो भन्ने स्पष्ट हुन बाँकी छ।

यस प्रकरणमा सहकारीका मुख्य सञ्चालक मानबहादुर विश्वकर्मा र गंगा कालिकोटेलगायतका व्यक्ति अझै फरार रहेको जनाइएको छ।

लामिछाने पक्राउ परेसँगै लामो समयदेखि रकम फिर्ताको प्रतीक्षामा रहेका हजारौं बचतकर्तामा न्याय पाउने आशा बढेको छ। तर पक्राउसँगै अपचलन भएको रकम असुली हुने सुनिश्चितता भने भएको छैन।

अब अनुसन्धानबाट सहकारीको रकम कहाँ लगानी वा स्थानान्तरण गरिएको थियो, अन्य सञ्चालकहरूको संलग्नता कस्तो थियो र पीडितहरूको रकम फिर्ता गर्ने प्रक्रिया कसरी अघि बढ्छ भन्ने विषय महत्त्वपूर्ण हुने देखिएको छ।

अर्बौं रुपैयाँ अपचलनको आरोप लागेका मुख्य व्यक्तिमध्ये एक पक्राउ परे पनि हजारौं बचतकर्ताको रकम फिर्ता गराउनु र बाँकी फरार आरोपितलाई कानुनी दायरामा ल्याउनु अनुसन्धान निकायका लागि अझै ठूलो चुनौती बनेको छ।

Global IME Bank Limited

प्रतिक्रिया

0 प्रतिक्रिया
प्रतिक्रिया फारम तयार हुँदैछ...

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

यो पनि हेर्नुहोस

Bizshala
Bizshala
Bizshala
IME remit
Shikhar Insurance
Mahalaxmi Development Bank

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.