.gif)
_(1).gif)
.jpg)
काठमाण्डौ । सरकारी कर्मचारी बढुवा र विदेश भ्रमणका लागि सधै लालाहित हुने गर्छन । यही कमजोरीको फाइदा उठाएर हाकीमहरुले बढुवा र भ्रमणको प्रलोभन देखाएर कर्मचरीहरुलाई आफू अनुकुल काम गराउने गर्छन् । कतिपय विदेश भ्रमणमा तालुकदार मन्त्रालयले पनि स्वीकृति दिनु पर्ने हुन्छ । कहिलेकाँही तालुकदार मन्त्रालय र विभागले स्वीकृती नदिँदा मन्त्रालय र विभागबीच शीत युद्ध नै चल्ने गर्छ ।
पछिल्लो समय पूँजीबजारका नियामक निकायहरुको विदेश भ्रमणको कथा पनि कम रोचक छैन । कतिपय तल्लो निकायका हाकिम माथिल्लो निकायले भ्रमण स्वीकृती नदिएको भन्दै रिसले आगो समेत हुने गरेका छन् । धितोपत्र बोर्डमा विशेष गरी २ प्रकृतिका कर्मचारीहरुले विदेश भ्रमणमा जाने अवसर पाउने गरेको आरोप बोर्ड भित्रकै एक कर्मचारीले आरोप लगाएका छन् । पहिलो भनेको हाकिमको निर्देशनबमोजिम काम गरेर हाकिमलाई खुसी पारेको खण्डमा कर्मचारीलाई विदेश भ्रमणको सौभाग्य प्राप्त हुन्छ । धितोपत्र बोर्ड भित्र अध्यक्ष र व्यबस्थापन पक्षलाई जसले बढी रिझाउँन सक्यो उसलाई धेरै पटक खासगरि युरोप र अमेरिकाको भ्रमणको मौका प्राप्त हुन्छ ।
बोेर्ड भित्रकै विभागीय प्रमुख रहेको तर असजिलो प्रकृतिको मान्छेलाई विदेश भ्रमणको अवसर कमै मात्रै मिल्ने गर्छ । तर कहिलेकाही विभागीय प्रमुखले कुनै ठूला कर्पोरेट सेक्टरका फाइल रोकिदिएको खण्डमा उसलाई विदेश पठाएर यता फाइल सदर गर्ने पनि गरिन्छ । पछिल्लो समय धितोपत्र बोर्डमा तत्कालिन अध्यक्ष रमेश कुमार हमाल आए पछि यस्तो प्रचलन झनै मौलाएर गएको छ । हमालले आफ्नालाई काखा र अन्यलाई पाखा गर्नुका साथै नेप्सेको अधिकार पनि खोसेर धितोपत्र बोर्डमा लागेको बोर्डकै केही कर्मचारी आरोप लगाउँछन् ।
(1).gif)
यसै विषयमा बोर्डभित्र तीव्र असन्तुष्टि बढे पछि गत साता विप्लप समूहका कार्यकर्ता धितोपत्र बोर्ड गएर व्यबस्थापन समूहसँग चर्काचकी गरेका थिए । बोर्डमा अध्यक्ष नभएता पनि व्यवस्थापन समूहले आफ्नालाई मात्रै विदेश पठाउने गरेको भन्दै विप्लप समूहका कार्यकर्ता बोर्डमा पुगेको स्रोतले जानकारी दिएको छ । तर धितोपत्र बोर्डका एक उच्च अधिकारीले भने कसैलाई पनि काखा वा पाखा नगरिएको र कार्य सम्पादन हेरेर आवश्यकताका आधारमा विदेश भ्रमण पठाउने गरिएको बताए ।
धितोपत्र बोर्डका प्रवक्ता मुक्तिनाथ श्रेष्ठले विप्लप कार्यकर्ताले बोर्डका व्यबस्थापन पक्षलाई आएर भेटेको पुष्टि गरे । तर उनीहरुले के विषयमा छलफल गरे भन्ने बारे आफूँ अनविज्ञ रहेको श्रेष्ठले बताए । बोर्डकै सूचना अधिकारी तेज प्रसाद देबकोटाले यस अघि रमेश कुमार हमालको कार्यकालमा विप्लप समूहले नारीबाजी गरेको तर हाल भने आँफूलाई कुनै जानकारी नभएका जानकारी दिए ।
.gif)
.png)
(86).jpg)
.jpg)
.jpg)
.gif)
.gif)
