.gif)
_(1).gif)
(1)(3).jpg)
.png)
काठमाण्डौ । नेपाल पुनर्बीमा कम्पनीले चालु आर्थिक वर्ष २०८०÷८१ को दोस्रो त्रैमासको अपरिष्कृत वित्तीय विवरण सार्वजनिक गरेको छ । अलिल्लो दिन मात्रै तेस्रो त्रैमासको रिपोर्ट सार्वजनिक गरेको कम्पनीले आज फेरी दोस्रो त्रैमासको वित्तीय विवरण सार्वजनिक गरेको हो ।
प्रकाशित विवरणअनुसार कम्पनीले चालु आवको दोस्रो त्रैमाससम्ममा ३३ करोड ७७ लाख रुपैयाँ खुद नाफा आर्जन गरेको छ । जुन अघिल्लो आवको तुलनामा १५.४९ प्रतिशतले बढी हो । अघिल्लो आवको सोही अवधिसम्म भने कम्पनीले २९ करोड २४ लाख रुपैयाँ नाफा आर्जन गरेको थियो ।
समीक्षा अवधिसम्म कम्पनीको खुद बीमाशुल्क आर्जन भने घटेको छ । कम्पनीले दोस्रो त्रैमाससम्म ३ अर्ब ३ करोड रुपैयाँ खुद बीमाशुल्क आर्जन गरेको छ । जुन अघिल्लो आवको सोही अवधिको तुलनामा १०.५२ प्रतिशतले कम हो । कम्पनीले लगानी तथा कर्जामार्फत ८७ करोड ३६ लाख र ५ करोड ४४ लाख रुपैयाँबराबरको अन्य प्रत्यक्ष आम्दानी गरेको छ । कम्पनीको कुल आम्दानी पनि ११.५५ प्रतिशतले घट्दै ३ अर्ब ७६ करोडमा सीमित बनेको छ ।
(1).gif)
कम्पनीले यो अवधिसम्म २ अर्ब १२ करोड रुपैयाँबराबर खुद दाबी भुक्तानी गरेको छ । अघिल्लो आवको सोही अवधिसम्म भने कम्पनीले २ अर्ब १३ करोड रुपैयाँ दाबी भुक्तानी गरेको थियो ।
कम्पनीको कुल खर्च १२.७५ प्रतिशतले घटेर ३ अर्ब ४८ करोड रुपैयाँमा सीमित बनेको छ । अघिल्लो आवको दोस्रो त्रैमाससम्म कम्पनीको कुल खर्च ३ अर्ब ९९ करोड रुपैयाँ थियो ।
कम्पनीको महाविपत्ती कोषको आकार ३० करोड ८१ लाख र स्पेशल रिजर्भको आकार ४ अर्ब २४ करोड रुपैयाँबराबर रहेको छ । कम्पनीको रिटेन्ड अर्निङमा १७.५१ प्रतिशतले घट्दै ५५ करोड ४८ लाख रुपैयाँमा सीमित बनेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)२.६४ रुपैयाँ ,प्रतिसेयर नेटवर्थ १४५.७५ रुपैयाँ, प्रतिसेयर कुल सम्पत्तिको मूल्य २२९.२२ रुपैयाँ र पिई अनुपात २५४.९४ गुणा कायम भएको छ ।
.gif)
.png)
.jpg)
.png)
.gif)
.gif)
