.gif)
(2).gif)
_(1).gif)
.png)
काठमाण्डौ । चिनियाँ बहुराष्ट्रिय प्रविधि कम्पनी अलिबाबाको सेयरमूल्यमा पहिरो गएको छ । कम्पनीले ५ बिलियन डलरबराबरको कन्भर्टिबल बोण्ड बिक्री गर्ने घोषणा गरेपछि आज कम्पनीको सेयरमूल्य ५ प्रतिशतले ओरालो लागेको हो ।
हङकङको सेयर बजारमा सूचीकृत कम्पनीको सेयरमूल्य आज ५.२४ प्रतिशतले घटेको छ । यस्तै न्यूयोर्कमा पनि सूचीकृत अलिबाबाको सेयरमूल्य २.०३ प्रतिशतले घटेको छ ।
आज हङकङको ‘हाङ सेङ’मा कारोबार भएका कम्पनीहरुमध्ये अलिबाबा तेस्रो खराब प्रदर्शन गर्ने कम्पनीको रुपमा रहेको छ ।
कम्पनीले यहि सातादेखि बोण्ड जारी गर्न सक्ने सम्भावना रहेको अन्तराष्ट्रिय मिडियाले बताएका छन् । गत साता पनि चिनियाँ प्रतिस्पर्धि कम्पनी जेडी डट कमले पनि ०.२५ प्रतिशत कुपन रेटको १.७५ बिलियन बराबरको कन्भर्टिबल बोण्ड जारी गरेको थियो ।
.gif)
सन् २०२३ मा अलिबाबाको मुनाफामा ८६ प्रतिशतको गिरावट आएको थियो । कम्पनीले गत फेब्रुअरी महिनामा २५ बिलियन डलरबराबरको सेयर बाईब्याक गर्ने घोषणा समेत गरेको थियो ।
यसअघि कम्पनीका सीईओ ईड्डी वुले कम्पनीको वृद्धिका लागि थप लगानी गर्ने योजना बनिरहेको र यस विषयमा मार्च महिनामा रणनीति बनाउने बताएका थिए ।
थप लगानीले कम्पनीको कोर ई–कमर्स सेक्टरलाई बढावा दिने जनाइएको छ । घरेलु अर्थतन्त्रको सुस्तताका कारण चिनियाँ उपभोक्ताले खर्चमा कटौती गरिरहेकाले कम्पनीको व्यापार समेत प्रभावित बनेको छ । -एजेन्सी
.png)
(1).png)
.jpg)
(1).jpg)
(1).gif)
.gif)
