.gif)
_(1).gif)
.jpg)
.png)
काठमाण्डौ । प्रभु इन्स्योरेन्स कम्पनीले आफ्ना कर्मचारी सुविधाका लागि कुल १९ करोड रुपैयाँ भन्दा बढी रकम छुट्याएको छ । कम्पनीले गत आर्थिक वर्षमा कर्मचारी सुविधाका लागि १९ करोड २० लाख रुपैयाँ खर्च गरेको हो । कर्मचारी सेवा सुविधाका लागि खर्च गरेको उक्त रकम अघिल्लो आवको तुलनामा ३९.१७ प्रतिशतले बढी हो ।
अघिल्लो आवमा कम्पनीले कर्मचारी सेवा सुविधाका लागि १३ करोड ७९ लाख रुपैयाँ मात्रै छुट्याएको थियो । कम्पनीले सर्वाधिक कर्मचारी बोनस बढाएको छ । अघिल्लो आवमा २ करोड २६ लाख रुपैयाँ कर्मचारीलाई बोनस बाँडेकोमा कम्पनीले गत आवमा भने ३९.१६ प्रतिशतले बढाएर ३ करोड १४ लाख रुपैयाँ बोनस वितरण गरेको छ ।
त्यस्तै, कम्पनीले कर्मचारीको तलब पनि २५.८२ प्रतिशतले बृद्धि गरेको छ । गत आवमा कम्पनीले कर्मचारीहरुलाई ८ करोड २७ लाख रुपैयाँ तलब बाँडेर खर्च गरेको छ । अघिल्लो आवमा भने कम्पनीले ६ करोड ५७ लाख रुपैयाँ कर्मचारीको तलबमा खर्च गरेको थियो । साथै कम्पनीले चाडपर्व वा सामान्य भत्ताबापत गत आवमा ३ करोड १ लाख रुपैयाँ खर्च गरेको छ । जुन यो अघिल्लो आवको तुलनामा १३.८२ प्रतिशतले बढी हो ।
(1).gif)
अघिल्लो आवमा कम्पनीले यस्तो शिर्षकमा २ करोड ६४ लाख रुपैयाँ खर्च गरेको थियो । यसका साथै सामाजिक सुरक्षा कोषमा ६९ लाख रुपैयाँ तथा कर्मचारी सञ्चय कोषका लागि कम्पनीले १ करोड ५० लाख रुपैयाँ खर्च गरेको छ । त्यस्तै, बिदा वापत पाउने भत्ताका लागि १ करोड ५९ लाख रुपैयाँ, तालिमका लागि ९ लाख रुपैयाँ, कर्मचारी युनिफर्मका लागि २० लाख रुपैयाँ, कर्मचारीको बीमाका लागि ४ लाख रुपैयाँ र स्टाफ वेलफेयरका लागि ७ लाख रुपैयाँ गरी कर्मचारीको सुविधाका लागि १९ करोड भन्दा बढी रकम खर्च गरेको छ ।
.png)
(1).png)
(17).jpg)
.gif)
(1).gif)
.gif)
