.gif)
(1).gif)
_(1).gif)
.png)
काठमाण्डौ । चिनियाँ ईभी अटो निर्माता कम्पनी बीवाईडीले देश बाहिर आफ्नो निर्यात बढाएको छ । यो वर्षको जनवरीदेखि अप्रिल महिनासम्म सबैभन्दा धेरै ईभी गाडी निर्यात गर्नेको सूचीमा बीवाईडीले बर्चस्व कायम गरेको छ ।
बीवाईडीले यो वर्षको मार्च महिनासम्म १ लाख ३८ हजार ७६९ युनिट ‘न्यू ईनर्जी भेहिकल(एनईभी)निर्यात गरेको छ । यो संख्या अमेरिकी प्रतिस्पर्धि ईभी निर्माता कम्पनी टेस्लाको तुलनामा १६.४१ प्रतिशतले धेरै हो । यो अवधिसम्म टेस्लाले १ लाख १९ हजार २०२ युनिट नयाँ ईभी कार निर्यात गरेको छ ।
त्यस्तै अर्को चिनियाँ ईभी कम्पनी एसएआईसी प्यासेन्जर कारले पनि २९ हजार ८२७ युनिट कार देशबाहिर निर्यात गरेको छ । सूचीको चौथो स्थानमा नेटा रहेको छ । नयाँ स्टार्टअप कम्पनीको सूचीमा भने सबैभन्दा धेरै्र नयाँ ईभी कार निर्यात गर्नेको सूचीमा नेटा पहिलो स्थानमा रहेको छ ।
त्यस्तै चेरीले ४ महिनाको अवधिमा १३ हजार ६९४ युनिट,चानगानले ९ हजार ८५६,एसआईएसी जीएम वुलिङले ९ हजार ८२३,गिल्ली ८ हजार ९४६ र जीएसी एओनले ७ हजार २४२ युनिट नयाँ ईभी निर्यात गरेका छन् ।
नयाँ स्टार्टअपमा नेटा अटो अग्रेणी
जनवरीदेखि मार्च महिनासम्म सबैभन्दा धेरै ईभी कार निर्यात गर्नेमा चिनियाँ अटो निर्माता नेटा अटो अग्रेणी कम्पनीको रुपमा देखिएको छ । ४ महिनाको अवधमिा कम्पनी १३ हजार ६९४ युनिट कार निर्यात गर्न सफल भएको छ । त्यस्तै दोस्रो स्थानमा पनि चिनियाँ कम्पनी एक्सपेङ रहेको छ । यो कम्पनीले ३ हजार २९ युनिट ईभी निर्यात गरेको छ ।
त्यस्तै सेरेसले २ हजार ६९१ र स्काईवर्थले ३६८ युनिट नयाँ ईभी निर्यात गरेका छन् ।
.gif)
.png)
.gif)
.gif)
