.gif)
_(1).gif)
.jpg)
.png)
काठमाण्डौ । सरकारले संघीय संसद प्रतिनिधिसभाको बैठकमा चालु आर्थिक वर्षको आठ महिनासम्मको आर्थिक सर्वेक्षण पेश गरेको छ । अर्थमन्त्री वर्षमान पुनले आव २०८०/८१ को फागुन महिनासम्मको आर्थिक सर्वेक्षण पेश गरेका हुन् ।
सर्वेक्षणमा चालु आर्थिक वर्षमा बीमा तथा वित्तीय क्षेत्रको कुल मूल्य अभिवृद्धि बढ्ने अनुमान गरिएको छ । बैंक तथा वित्तीय संस्थाको सेवा शुल्क बापत प्राप्त आम्दानीमा भएको बृद्धिका कारण चालु आवमा सो क्षेत्रको मूल्य अभिवृद्धि बढ्ने अनुमान गरिएको हो ।
गत आर्थिक वर्ष बैंक वित्तीय संस्था तथा बीमा क्षेत्रको कुल मूल्य अभिवृद्धि ७.२७ प्रतिशतले बढेकोमा चालु आर्थिक वर्ष ७.८० प्रतिशतले अनुमान गरिएको छ ।
(1).gif)
गत आर्थिक वर्ष कुल गार्हस्थ्य उत्पादन (जीडीपी)मा यस क्षेत्रको योगदान ७.०४ प्रतिशत रहेकोमा चालु आवमा ६.८२ प्रतिशत रहने अनुमान गरिएको सर्वेक्षणमा उल्लेख छ । पछिल्लो दशक जीडीपीमा यस क्षेत्रको योगदान वार्षिक औसत ६।२१ प्रतिशत र वृद्धिदर ७७ प्रतिशत रहेको छ ।
गत आर्थिक वर्षको तुलनामा चालु आर्थिक वर्षमा वित्तीय तथा बीमा क्षेत्रको योगदान ०.८३ अंकले घट्ने अनुमान गरिएको छ । बीमा कम्पनीहरुको व्यवसाय राम्रै देखिएपनि चालु आवमा बैंकहरुमा बढ्दो खराब कर्जा अनुपातले गर्दा व्यवसायमा धक्का लागेको छ । यसर्थ चालु आवमा कुल गार्हस्थ्य उत्पादनमा वित्तीय क्षेत्रको योगदान गत आवको तुलनामा कम हुने अनुमान गरिएको छ ।
.png)
(1).png)
.jpg)
(1).jpg)
.jpg)
(1).png)
.gif)
(1).gif)
.gif)
