.gif)
(1).gif)
(2).gif)
.gif)
.png)
काठमाण्डौ । नेपाल राष्ट्र बैंकले सहुलियत दरमा प्रदान गर्दै आएको पुनर्कर्जा चालु आर्थिक वर्षको फागुनसम्म सबै चुक्ता भएको छ । अर्थमन्त्री वर्षमान पुन अनन्तद्वारा आइतबार संघीय संसदका दुवै सदनमा प्रस्तुत आर्थिक वर्ष २०८०/०८१ को आर्थिक सर्वेक्षणमा यस्तो देखिएको हो । चालु आर्थिक वर्षको फागुनसम्ममा १ लाख ३० हजार ८४४ ऋणीलाई सहुलियतपूर्ण कर्जा प्रवाह भई १ खर्ब ४९ अर्ब ३० करोड रुपैयाँ कर्जा लगानीमा रहेको छ ।
सो मध्ये फागुनसम्म वाणिज्य बैंकको १ लाख ११ हजार ६३८ ऋणीलाई प्रवाह भएको १ खर्ब २९ अर्ब ८९ करोड सहुलियतपूर्ण कर्जा लगानीमा रहेको छ ।
त्यैगरी विकास बैंकको १७ हजार ३४८ ऋणीलाई १७ अर्ब १४ करोड,वित्त कम्पनीको १ हजार ७७९ ऋणीलाई २ अर्ब २१ करोड र लघुवित्तको वित्तीय संस्थाको ७९ ऋणीलाई ५ करोड ११ लाख सहुलियतपूर्ण कर्जा लगानीमा रहेको छ ।
फागुनसम्म प्रवाहित सहुलियतपूण कर्जामध्ये सबैभन्दा बढी व्यवसायिक कृषि तथा पशुपन्क्षीतर्फ १ खर्ब ७७ करोड कर्जा लगानीमा रहेको छ । महिला उद्यमशील कर्जा अन्तर्गत महिला उद्यमीलाई प्रवाह भएको ४६ अर्ब ४८ करोड कर्जा लगानीमा रहेको छ ।
त्यसैगरी सहुलियतपूण कर्जाका अन्य शीर्षक अन्तर्गत २ अर्ब ५ करोड रुपैयाँ कर्जा लगानीमा रहेको छ ।
कोभिड १९ प्रभावित पर्यटन र घरेलु, साना तथा मझौला उद्यम क्षेत्रको व्यवसाय निरन्तरतामा सहयोग पुर्याउने ती क्षेत्रका श्रमिक तथा कर्मचारीको पारिश्रमिक भुक्तानीका लागि प्रवाह भएको कर्जा फागुन मसान्तसम्म १ करोड ५१ लाख लगानीमा रहेको छ ।
कुन क्षेत्रमा कति ?
वाणिज्य बैंकले असार मसान्तसम्म कुल कर्जा लगानीको न्यूनतम ११ प्रतिशत कृषि क्षेत्रमा,६.५ प्रतिशत उर्जा क्षेत्रमा र ११ प्रतिशत लघु घरेलु,साना एंव मझौला उद्यमको क्षेत्रमा प्रवाह गर्नुपर्ने व्यवस्था रहेको छ । सो व्यवस्था अनुरुप फागुनसम्म कृषि क्षेत्रमा १३.३ प्रतिशत(५ खर्ब ७६ अर्ब),उर्जा क्षेत्रमा ७.५ प्रतिशत(३ खर्ब २८ अर्ब) घरेलु,साना एंव मझौला उद्यमको क्षेत्रमा ९.५ प्रतिशत(४ खर्ब ११ अर्ब) कर्जा लगानी रहेको छ ।
विकास बैंकको असार मसान्तसम्म कुल कर्जाको १६ प्रतिशत कर्जा कृषि,घरेलु,साना उद्यम÷व्यवसाय,उर्जा र पर्यटन क्षेत्रमा प्रवाह गुर्नपर्ने व्यवस्था रहेको छ । सो व्यवस्था अनुरुप फागुनसम्म ती क्षेत्रमा औसत २६ प्रतिशत(१ खर्ब २२ अर्ब २५ करोड)कर्जा लगानीमा रहेको छ ।
त्यसैगरी वित्त कम्पनीले २०८१ असारसम्म कुल कर्जा लगानीको ११ प्रतिशत कृषि,घरेलु तथा साना उद्यम÷व्यवसाय,उर्जा र पर्यटन क्षेत्रमा प्रवाह गुर्नपर्ने व्यवस्था रहेकोमा फागुनसम्म ती क्षेत्रमा औसत २०.९ प्रतिशत(१९ अर्ब २० करोडं)कर्जा लगानीमा रहेको छ ।
(2).gif)
.png)
.gif)
.jpg)
(77).jpg)
