आईफोनको ८ वटा नयाँ फिचर्स लञ्च, यस्ता छन् सुविधा

WHAT'S NEW
मंगलवार, जेष्ठ २९,२०८१ 16:42:11

काठमाण्डौ । आईफोन निर्माता कम्पनी एप्पलले आफ्नो वार्षिक रुपमा आयोजना हुने‘एप्पल डब्लूडब्लूडीसी’ इभेन्टमा आईओएस अपडेट गर्ने घोषणा गरेको छ । जसमार्फत कम्पनीले एप्पलका डिभाइस प्रयोगकर्ताहरुलाई आगामी दिनमा करिब १ दर्जन फिचर्स अपडेट प्रदान गर्नेछ ।

कम्पनीले पहिलोपटक एआई फिचर्स लञ्च गरेको छ । जसलाई आईओएस १८ का साथै सबै एप्पल डिभाइसमा रोलआउट गरिनेछ । यसले आईफोन लगायत आईओएसमा आधारित डिभाइस प्रयोग गर्नेहरुको अनुभव परिवर्तन गरिदिनेछ । एप्पले यो नयाँ एआई फिचर्सलाई ‘एप्पल इन्टीलिजेन्स’ नाम दिएको छ ।

आईफोनले लञ्च गरेका ८ वटा नयाँ फिचर्स यस्ता छन्ः

राईटिङ टुल्स

यो फिचर्सले कुनै पनि स्टोरीलाई पुनःलेख्ने सुविधा प्रदान गर्नेछ । यसका साथै यसले प्रुफ रिड गरेर गल्तीहरु सुधार्ने सुविधा समेत प्रदान गर्नेछ । यसका साथै प्रयोगकर्ताले स्टोरीको टेक्स्टलाई सारांश बनाएर पढ्न सक्नेछन् ।

यसले बुलेट प्वइन्ट लगाएर स्टोरी पढ्नका लागि अझै राम्रो बनाउनेछ ।

इमेज प्लेग्राउण्ड

यो फिचर्सले प्रयोगकर्तालाई फोटो ईडिट गर्ने अप्शन प्रदान गर्नेछ । जसका माध्यमबाट प्रयोगकर्ताले आफ्नो फोटोलाई एनिमेशन जस्ता ईडिट गर्न सक्नेछन् । यसका साथै फोटोलाई इलस्ट्रेटर पनि बनाउन सकिनेछ ।

यो फिचर्सले फोटोलाई स्क्ेच डिजाइनमा बनाउने सुविधा पनि प्रदान गर्छ ।

फोटो एप

यो फिचर्समार्फत प्रयोगकर्ताहरुले फोटो र केहि सामान्य टेक्स्टबाट एउटा उत्तम स्टोरी लेखाउन सक्नेछन् । यसका साथै त्यस स्टोरीका लागि फोटो र भिडियो पनि बनाउन सक्नेछन् ।

म्याजिक इरेजर

यो टुलको सहायताले प्रयोगकर्ताले आफ्नो फोटोबाट कुनै अनावश्यक ब्याकग्राउण्ड हटाउन सक्नेछन् । यो फिचर्स सामसुङ ग्यालेक्सी एस२४ अल्ट्रामा पनि उपलब्ध छ ।

सिरी अपडेट

एप्पलले आफ्नो भ्वाइस कमाण्ड फिचर्स सिरीलाई एआईका साथ अपडेट गरेको छ । जसबाट प्रयोगकर्ताले भ्वाइस कमाण्ड दिएर कुनै पनि काम गर्न पहिलेभन्दा अझै सजिलो हुनेछ । यसका साथै फोटोबाट ड्राईभिङ लाइसेन्स सर्च गर्ने जस्तो स्मार्ट टुलको लाभ उठाउन सक्नेछन् ।

हिडन एप

यो फिचर्सको सहायताले प्रयोगकर्ताहरुले आफ्नो डिभाइसमा केहि महत्वपूर्ण एपहरुलाई हाइड गर्न सक्नेछन् । साथै,फोल्डरलाई समेत हाईड गर्न सक्नेछन् ।

म्यासेसज सेड्युल

यो फिचर्समा कुनै पनि म्यासेजलाई निश्चित समयमा पोस्ट गर्नका लागि सेड्य्ल गर्ने अप्शन उपलब्ध गराइएको छ । साथे म्यासेजलाई बोल्ड,अन्डरलाइन,इटालिक गर्ने जस्ता अप्शन समेत प्रदान गरिएको छ ।

एसएमएस अपडेट

एप्पल डिभाइसमा आरसीएस म्यासेज प्रदान गरिने घोषणा गरिएको छ । यसलाई आईफोन १४ तथा त्यसपछिका डिभाइसहरुमा रोलआउट गरिनेछ । आरसीएस अर्थात रिच कम्युनिकेशन सर्भिसेस् लञ्च भएपछि यसको प्रतिस्पर्धा ह्वाट्सएपसँग हुनेछ । किनकी यसमा इन्टरनेट र बिना इन्टरनेट दुवै प्रकारको म्यासेज पठाउन सकिन्छ ।