.gif)
_(1).gif)
काठमाण्डौ । यो साता सेयर बजारमा ५ दिन कारोबार भयो । ५ दिनमा बजार ३ दिन बढ्यो भने २ दिन घट्यो । अघिल्लो साता २०७७.७८ को विन्दुमा बन्द भएको बजार यो साता २११२.२९ विन्दुमा बन्द भयो । यस हिसावले यो साता सेयर बजारमा ३४.५१ अंकले बढोत्तरी आयो ।
अघिल्लो साता बजार करिब ८.२५ अंकले बढेको थियो । यो साता दोस्रो बजारमा २८.५७ अर्बको कारोबार भएको छ । अघिल्लो साता बजारमा २०.७८ अर्बको कारोबार भएको थियो । यस हिसाबले यो साता पनि दोस्रो बजारमा नेप्से परिसूचक र कारोबार दुबै बढेको छ । अघिल्लो साता पनि नेप्से सूचक र कारोबार दुबैमा बढो्रत्तरी आएको थियो ।
यो साता बजार पूँजीकरण ३३ खर्ब ४९ अर्ब पुगेको छ । अघिल्लो साता भने बजार पूँजीकरण ३२ अर्ब ९४ अर्ब रहेको थियो । यस हिसाबले यो साता बजारमा बढोत्तरी आँउदा बजार पूँजीकरणमा ५५ अर्बको बढोत्तरी आएको छ ।
प्राविधिक पक्षः
कप एण्ड ह्याण्डल प्याट्रन
अघिल्लो साता बढेको बजारले यो साता पनि निरन्तरता पाएको छ । प्राविधिक रुपमा डेली बेसमा बजारलाई हेर्दा गएको तीन महिनामा नेप्सेमा बुलिस कप एण्ड ह्याण्डल प्रकृतिको प्याट्रन बनेको छ । यो प्याट्रन सन् १९८८ मा एक अमेरिकी प्राविधिक विश्लेषक विलिएम जे ओनेलले प्रतिपादन गरेका थिए ।
यसमा कपले अंग्रेजी अक्षर ‘यु’ आकार जनाउँछ भने ह्याण्डलले बजार केही तल खसेको जनाउँछ । यसको मूख्य अर्थ भनेको बजारमा बुलिस यात्रा निरन्तरता रहेको छ भन्ने हो । जसलाई खरिद अवसरको रुपमा लिइन्छ । तर यसको निश्चिताको लागि भने यो साता २११२ विन्दुमा बन्द भएको बजार आगामी कारोबारमा २१३० विन्दुभन्दा माथि लाग्नु पर्ने हुन्छ ।
(1).gif)
बोलिङ्गर ब्याण्ड म्याक्डी र आरएसआई
साप्ताहिक रुपमा बजारलाई बोलिङ्गर ब्याण्डबाट नियाल्दा मध्य ब्याण्ड भन्दा माथि चलेको बजारले यो साता अपर ब्याण्डबाटमा प्रतिरोध सामना गरेको छ । म्याक्डीबाट नियाल्दा बजारमा अघिल्लो साता बनेको बुलिस क्रसओभर भ्यालिड नै रहेको छ । कारोबार तथा भोल्युम पनि क्रमशः बढ्दै गएको छ । साप्ताहिक बेसमा आरएसआई ५७ को तहमा चलेको छ । समग्रमा सबै इन्डिकेटरबाट नियाल्दा बजारमा विस्तारै अप ट्रेन्ड चलेको देखिन्छ ।
पिभट् विश्लेषण
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ।
बढेमा प्रतिरोध
प्रतिरोध ३ –२३६५
प्रतिरोध २ –२२५९
प्रतिरोध १– २१६४
पिभट प्वइन्टः २०५८
घटेमा सपोर्ट
सपोर्ट १– १९६३
सपोर्ट २– १८५७
सपोर्ट ३ –१७६२
निष्कर्ष: अघिल्लो साता ८.२५ अंकले बढेको बजार यो साता ३४.५१ अंकले बढ्यो । यो साता बजार बढ्दा कारोबार र भोल्युममा पनि बढोत्तरी आयो । प्राविधिक रुपमा बजारलाई नियाल्दा साताको अन्तिम कारोबारमा केही करेक्सन आएको बजारले आगामी साता पनि अल्पकालिन करेक्सनको निरन्तरता पाउन सक्छ । त्यो भनेको २१ सयको विन्दुसम्म मात्रै पनि हुन सक्छ ।
तर मध्य काल तथा दीर्घकालको लागि भने बजार केही करेक्सन हुँदै अप ट्रेण्डमा नै रहेको बुझ्न सकिन्छ । बजारलाई डाउ थेउरीबाट नियाल्दा हाएर हाइ र हायर–लो बनाउँदै गरेको देखिन्छ ।
त्यसैगरि, इलिअट वेभ बाट नियाल्दा पनि बजारमा सानो डिग्रीको वेभ ५ बाँकी नै रहेको र बजार एकपटक २२ सय माथि पुगे पछि मात्रै करेक्सन हुन सक्ने देखिन्छ । समूहगत रुपमा हेर्दा यो साता विकास बैंक , फाइनान्स , वित्त समूह , जलविद्युत समूह , जीवन बीमा तथा निर्जिवन बीमा समूह र उत्पादन तथा प्रशोधन समूहमा बढोत्तरी आयो भने बाँकी समूहमा रातो पोतियो ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
.png)
(86).jpg)
.jpg)
.jpg)
.gif)
.gif)
