.gif)
_(1).gif)
(2).jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.५० प्रतिशत अर्थात १०.४४ अंकले घटेर २०६८.३१ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.७३ प्रतिशतले घटेर ३६५.०५ विन्दुमा पुगेको छ । यो दिन नेप्सेमा सूचीकृत मध्ये ३०६ वटा कम्पनीको ८६ लाख ६३ हजार ६९९ कित्ता सेयर ३ अर्ब ८७ करोड ७ लाख रुपैयाँभन्दा बढीको कारोबार भएको छ ।
आजको बजारबारे बजार जानकार सरोज भट्टराई भन्छन्, ‘बजारमा अल्पकालिन लगानीकर्ताले नाफा बुक गर्दा आज बजारमा दबाव पर्दा नेप्से घट्न पुगेको हो । अहिले समग्रमा बजार नबढेतापनि सेक्टर रोटेसन गरेर लगानीकर्ताले लगानी गरिरहेका छन् । इन्डेक्स घटेता पनि बैंकिङ समूहबाहेकका अन्य लगानीकर्ताले भने राम्रै आम्दानी गरिरहेका छन् ।’
बजारमा यतिबेला लगानीकर्ताहरु दीर्घकालिन भन्दा पनि अल्पकालिन लगानीमै रमाईरहेकाले र कम्पनीहरुबाट धमाधम संस्थागत लगानीकर्ता बाहिरिदा बजारमा दिगो वृद्धि नदेखिएको भट्टराइले बताए । भट्टराइका अनुसार बजार अझै केहि समय साइडवेजमै चल्न सक्ने देखिन्छ ।
अर्का बजार जानकार निमानन्द कंडेल भन्छन्,‘करको विषयले लगानीकर्तामा त्रास छाउँदा र असार मसान्तको प्रभावका कारणले आज बजारमा सुस्तता छाएको छ । विविध कारणले गर्दा बजारमा ढुक्क भएर लगानी गर्ने वातावरण समेत नभएकाले लगानीकर्तामा पूर्ण आत्मविश्वास जाग्न सकेको छैन ।’
(1).gif)
यो दिन नेप्सेमा सूचीकृत १३ वटा समूहमध्ये २ वटा समूहमा मात्रै हरियाली छायो । आज वित्त समूह १.८२ प्रतिशत र म्युचुअल फण्ड समूह ०.१३ प्रतिशतले बढ्यो ।
आज बैंकिङ समूह ०.६१ प्रतिशत, विकास बैंक ०.८५, होटल ०.९२,हाईड्रो ०.५८,लगानी ०.१५,जीवन बीमा ०.८१,उत्पादन तथा प्रशोधन ०.१६,लघुवित्त ०.६५,निर्जीवन बीमा ०.३१,अन्य ०.४५ र व्यापार समूह ०.७१ प्रतिशतले घट्यो ।
धेरै कारोबार गर्ने कम्पनीहरु
आज माउन्टेन इनर्जीको सर्वाधिक सेयर कारोबार भयो । यो कम्पनीको आज १७ करोड १४ लाख बढीको सेयर कारोबार भयो । साथै, आज एनआरएन इन्फ्रास्ट्रक्चरको १५ करोड ७४ लाख,सिईडिबि हाईड्रोको ९ करोड ९९ लाख,पोखरा फाइनान्सको ८ करोड ९६ लाख र गोर्खाज फाइनान्सको ८ करोड ६८ लाख बढीको सेयर कारोबार भयो ।
धरै कमाउने र गुमाउने कम्पनीहरु
यो दिन कालिका लघुवित्तको सेयरमूल्य सर्वाधिक अर्थात ७.७१ प्रतिशतले बढ्यो ।
त्यस्तै आज बाराही हाईडोको सेयरमूल्य ६.६३ प्रतिशत,गूडविल फाइनान्सको ५.४६ प्रतिशत र ग्रिन भेन्चर लिमिटेडको सेयरमूल्य ५.०९ प्रतिशतले बढ्यो ।
आज कुथेली बुखरी हाईडोको सेयरमूल्य सर्वाधिक अर्थात ९.२८ प्रतिशतले घट्यो । यो दिन भगवति हाईड्रोको सेयरमूल्य ५.४७ प्रतिशत,ग्लोबल आइएमई लघुवित्तको ५.३१ र स्वाभिमान लघुवित्तको सेयरमूल्य ४.७९ प्रतिशतले घट्यो ।
.gif)
.png)
.jpg)
.jpg)
.jpg)
.gif)
.gif)
