.gif)
_(1).gif)
(3).jpg)
.png)
काठमाण्डौ । धितोपत्र बोर्डले लामो समयदेखि रोकि राखेको धितोपत्र निष्कासनको प्रक्रियालाई अघि बढाएको छ । बोर्डले आज हिमालयन उर्जालाई हकप्रद निष्कासनको अनुमति दिएको छ ।
धितोपत्र बोर्डका प्रवक्ता नबराज अधिकारीका अनुसार अब बोर्ड बैठक बसेर आईपीओ एफपीओ तथा हकप्रद निष्कासनको प्रक्रिया अघि बढाउने जानकारी दिए । हाल धितोपत्र बोर्डको पाइपलाइनमा १६ वटा जलविद्युत कम्पनीसहित ३५ वटा कम्पनीहरुको २८ अर्बबराबरको आईपीओ पाइपलाइनमा छ । जसमा जगदम्बा स्टिलको मात्रै ६ अर्वबराबरको सेयर रहेको छ । मारुती र सूर्य सिमेन्टको पनि सेयर पाइपलाइनमा छ ।
त्यसैगरि, हिमालय बैंकले पनि एफपीओ ल्याउने प्रक्रिया अघि बढाएको छ । बैंकले एफपीओ निष्कासन प्रयोजनका लागि सिटिजन्स क्यापिटलाई बिक्री प्रबन्धक नियुक्त गरेको छ । बैंकको अहिलेको पूँजी संरचना अनुसार आफ्नो चुक्ता पूँजीको १४ प्रतिशत सम्म एफपीओ ल्याउन सक्छ । बैंकले एक सय रुपैयाँमा नै एफपीओ ल्याएता पनि करिब ३ अर्ब रुपैयाँबराबर हुन जान्छ ।
.gif)
यस बाहेक विभिन्न कम्पनीको कुल २५ करोडबराबरको एफपीओ पाइपलाइनमा रहेको छ । यस हिसाबले यदि धितोपत्र बोर्डले आइपीओ र एफपीओ अघि बढाएको खण्डमा बजारबाट ३१ अर्ब रुपैयाँ भन्दा बढी पैसा बजारबाट बाहिरिने देखिन्छ ।
त्यसैगरि, विभिन्न १२ वटा कम्पनीहरुको ५ अर्ब माथि हकप्रद पाइप लाइनमा रहेको छ । यस हिसाबले आईपीओ , एफपीओ र हकप्रद गरेर कुल ३६ अर्ब रुपैयाँ भन्दा माथि धितोपत्र बोर्डमा पाइपलाइनमा रहेको छ । यद्यपी बोर्डले प्रक्रिया अघि बढाएता पनि सबै कम्पनी दोस्रो बजारमा आउन भने एक वर्ष भन्दा बढी समय लाग्न सक्छ ।
.png)
.jpg)
.gif)
.gif)
.gif)
