.gif)
_(1).gif)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको वृद्धि भएको छ । यससँगै नेप्से लगातार तेस्रो दिन बढेको छ । आज नेप्से परिसूचक १४.८८ अंक अर्थात ०.७० प्रतिशतले बढेर २ हजार ११९.६१ बिन्दुमा पुगेको छ ।
.gif)
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.१७ प्रतिशतले बढेर ३८१.७१ बिन्दुमा पुगेको छ । यो दिन नेप्सेमा सूचीकृत मध्ये ३०८ वटा कम्पनीको १ करोड ५१ लाख ७८ हजार ३८६ कित्ता सेयर ५ अर्ब ५४ करोड ४२ लाख रुपैयाँभन्दा बढीको कारोबार भएको छ ।
आज बजार बढ्नुको कारणका बारेमा बजार जानकार सूर्य नारायण पौडेल भन्छन्,‘लगानीकर्तामा विस्तारै आत्मविश्वास बढेको छ । यद्यपी अझै पनि लगानीकर्ता पर्ख र हेरको अवस्थामा छन् । लगानीकर्ताले खुलेर लगानी गरेको अवस्था अझै छैन ।’
उनका अनुसार बैंकको रिपोर्टहरु खासै सुधारात्मक देखिएको छैन । लगानीकर्ताले मौद्रिक नीतिको समीक्षालाई कुरिहरहेका पनि हुन सक्ने भएकाले खुलेर लगानी गर्न नसकिरहेको र बजार प्रतिरोधात्मक बिन्दुमा रहेको पौडेल बताउँछन् ।
अर्का बजार जानकार प्रेम वली पनि बजार २१ सय माथि टिकेको कारण लगानीकर्ताको मनोबल बढेको बताउछन् । ‘सबै कुरा सकारात्मक छन् । तर बजार २२ सय ब्रेक गरेर जानलाई भने राष्ट्र बैंकले केहि नीतिमा खुकुलो गुर्नेपर्ने देखिन्छ ।’उनले भने
यो दिन नेप्सेमा सूचीकृत ४ वटा उपसूचक बाहेक अन्य सबै उपसूचकमा हरियाली छाएको छ । आज सबैभन्दा धेरै वृद्धि अन्य उपसूचक देखियो । आज अन्य उपसूचक ३.३६ प्रतिशतले बढ्यो ।
त्यस्तै, विकास बैंक उपसूचक ०.३१ प्रतिशत,होटल १.५९, हाईड्रो १.४७, लगानी ०.६३,जीवन बीमा ०.३४, उत्पादन तथा प्रशोधन ०.६७ र म्युचुअल फण्ड ०.३६ प्रतिशतले बढे ।
आज बैंकिङ,वित्त,लघुवित्त र निर्जीवन बीमा उपसूचकमा भने गिरावट आएको छ ।
धेरै कारोबार गर्ने कम्पनीहरु
आज हिमालयन रि इन्स्योरेन्सको सबैभन्दा धेरै कारोबार भएको छ । आज यो कम्पनीको ७५ करोड २७ लाख बढीको सेयर कारोबार भएको छ ।
त्यस्तै ङादी पावरको २२ करोड २० लाख,नेपाल पुनर्बीमा कम्पनीको २० करोड ७८ लाख,अरुण भ्याली हाईड्रोको १४ करोड ९७ लाख र युनाइटेड मोदी हाईड्रोको १३ करोड ४९ लाख बढीको कारोबार भएको छ ।
धरै कमाउने र गुमाउने कम्पनीहरु
आज तीनवटा कम्पनीको सेयरमूल्यमा सकारात्मक सर्किट लागेको छ । आज चन्द्रागिरी हिल्स,समाज लघुवित्त र रावा ईनर्जीको सेयरमूल्य १० प्रतिशतले बढेको छ ।
त्यस्तै सिनर्जी इनर्जीको सेयरमूल्य ८.७२,सिंगटी हाईड्रोको ८.२३ र ग्रिनलाइफ हाईड्रोको सेयरमूल्य ७.९९ प्रतिशतले वृद्धि भएको छ ।
आज मिड सोलु हाईड्रोको सेयरमूल्यमा सबैभन्दा धेरै गिरावट देखिएको छ । आज यो कम्पनीको सेयरमूल्य ८.३५ प्रतिशतले घटेको छ । यो दिन गुराँस लघुवित्तको सेयरमूल्य ५.४८ प्रतिशत र एनआईसी एशिया ब्यालेन्स्ड फण्डको मूल्य ३.९० प्रतिशतले घटेको छ ।
आज नेप्सेमा कारोबार भएका १५२ कम्पनीको सेयरभाउ बढेको छ भने ८५ वटाको सेयरमूल्यमा भने गिरावट आएको छ । १० वटा कम्पनीको सेयरमूल्यमा भने कुनै परिवर्तन आएन ।
.png)
.jpg)
.gif)
.gif)
.gif)
