.gif)
_(1).gif)
काठमाण्डौ । धितोपत्र दोस्रो बजारमा केही समययता दुई स्वदेशी पुनर्बीमा कम्पनीको निकै चर्चा छ । सरकारी स्वामित्वको नेपाल पुनर्बीमा र निजी लगानीको हिमालयन रि इन्स्योरेन्स पछिल्लो समय लगानीकर्ताको आँखामा परेका छन् ।
हिमालयन रि इन्स्योरेन्सको सेयर दोस्रो बजारमा सूचीकृत भएसँगै नेपाल पुनर्बीमाको सेयर पनि चर्चामा आएको छ । केही लगानीकर्ताहरुले दुई पुनर्बीमा कम्पनीलाई तुलना समेत गरेर कुनमा लगानी गर्दा उचित भन्ने खालका कौतुहलता समेत प्रकट गर्न थालेका छन् ।
(1).gif)
हिमालयन रि को सेयर दोस्रो बजारमा कारोबारमा आउने थालेदेखि नेपाल पुनर्बीमाको सेयरमा लगानीकर्ताको आकर्षण बढेको छ । नेपाल बीमा प्राधिकरणले पुनर्बीमा कम्पनीको चुक्तापुँजी बृद्धि गर्न तयारी गरेको विषयले झनै सेयरबजारमा यी दुई कम्पनीमा लगानीकर्ताको आकर्षण बढेको छ ।
केही दिनयता हिमालयन रि सँगै नेपाल रि इन्स्योरेन्सको सेयर पनि उच्चकारोबार हुँदै आइरहेको छ । नेपाल पुनर्बीमा लगानीकर्ताको रोजाईमा परेपनि पछिल्लो केहीमहिनायता संस्थागतलगानीकर्ताहरु भने धमाधम बाहिरिएका छन् ।
हालसम्म नेपाल पुनर्बीमाका तीन संस्थापक सेयरधनीले आफ्नो नाममा रहेको सेयर बिक्री गरेर बाहिरिएका छन् । प्रभु इन्स्योरेन्स, नेपाल इन्स्योरेन्स, विशाल ग्रुपले आफ्नो नाममा रहेको नेपाल पुनर्बीमा कम्पनीको सेयर बिक्री गरिसकेका छन् ।
प्रभु इन्स्योरेन्सले आफ्नो स्वामित्वमा रहेको नेपाल पुनर्बीमाको १९ लाख ७४ हजार कित्ता सेयर बिक्री गरेको छ । स्रोतका अनुसार प्रभु इन्स्योरेन्सले बिक्री गरेको सेयर एशियन लाइफ इन्स्योरेन्सले खरिद गरेको छ ।
त्यस्तै, केही समयअघि नेपाल इन्स्योरेन्सले पनि आफ्नो स्वामित्वमा रहेको नेपाल पुनर्बीमाको १९ लाख ७९ हजार कित्ता सेयर बिक्री गरेको थियो । त्यस्तै, विशाल ग्रुपले पनि आफ्नो नाममा रहेको नेपाल रि को १० लाख ४२४ कित्ता सेयर बिक्री गरिसकेको छ ।
बाँकी १५ लाख कित्ता संस्थापक सेयर लिलामीको प्रक्रिया अगाडी बढाइसकेको कम्पनीले जनाएको छ । कम्पनीका अनुसार उक्त १५ लाखकित्ता संस्थापक सेयर पुष २४ गतेदेखि माघ २९ गतेसम्म ३५ दिने म्याद राखेर लिलाममा राखेर दरखास्त आह्वान गरिएको छ ।
त्यस्तै, हिमालयन एभरेष्ट इन्स्योरेन्सले पनि नेपाल पुनर्बीमा कम्पनीको सेयर बिक्री प्रक्रिया अघि बढाइसकेको छ । कम्पनीले आफ्नो नाममा रहेको २० लाख कित्ता संस्थापक सेयर बिक्रीमा राखेको छ ।
सेयर बिक्री गर्ने चार संस्थापकमध्ये तीन बीमा कम्पनी छन् । नेपाल इन्स्योरेन्स, प्रभु इन्स्योरेन्स र हिमालयन एभरेष्टले पूँजी बढाउन नेपाल पुनर्बीमा कम्पनीको सेयर बिक्री गरेको बताएका छन् । नेपाल बीमा प्राधिकरणले जीवन बीमा कम्पनीलाई ५ अर्ब र निर्जीवन बीमा कम्पनीलाई साढे २ अर्ब पुँजी पुर्याउन निर्देशन दिएको थियो ।
मर्जरमा नगएका प्रभु र नेपाल इन्स्योरेन्सले प्राधिकरणको निर्देशन बमोजिम नेपाल रि को सेयर बिक्री गरी पूँजी बढाउने क्यापिटल प्लान समेत पेश गरेका थिए ।
यता साविक हिमालयन जनरल र एभरेष्ट इन्स्योरेन्स मर्ज भएपछि पनि प्राधिकरणले तोकेको पूँजी नपुग्दा आफ्नो नाममा रहेको नेपाल पुनर्बीमा को सेयर बिक्री गर्न लागेको कम्पनीका नायब प्रमुख कार्यकारी कमल गौतमले बताए । उनका अनुसार कम्पनीले हकप्रद निष्कासन नगरी नेपाल रि को सेयर बेचेर पूँजी बढाउने तयारी गरेको छ ।
नेपाल पुनर्बीमा कम्पनीमा नेपाल सरकारसँगै अधिकांश बीमा प्राधिकरणले अनुमति दिएका पुराना बीमा कम्पनीहरु संस्थापक सेयरधनी छन् । यसका साथै विशाल ग्रुप लिमिटेड, गुहेश्वरी मर्चेन्ट एण्ड फाइनान्स, ग्लोबल आइएमई क्यापिटल, ग्लोब आइएमई बैंक, हाथवे इन्भेष्टमेन्ट र ज्ञान सेक्युरिटिज एण्ड इन्भेष्टमेन्ट लिमिटेड लगायतको ८४ प्रतिशत र सर्वसाधारणको १६ प्रतिशत सेयर होल्डिङ छ ।
.gif)
.png)
(86).jpg)
.jpg)
.jpg)
.gif)
.gif)
