.gif)
(1).gif)
(9).jpg)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.७२ प्रतिशत अर्थात १४.८३ अंकले घटेर २०३७.०९ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.६७ प्रतिशतले घटेर ३५८.७५ विन्दुमा झरेको छ । यो दिन नेप्सेमा सूचीकृत मध्ये ३२० वटा स्क्रिप्टको ९१ लाख ७८ हजार ८९५ कित्ता सेयर ३ अर्ब ६० करोड ७१ लाख रुपैयाँभन्दा बढीको कारोबार भएको छ ।
आजको बजारबारे बजार जानकार महेश रिजाल भन्छन्, ‘अहिले केहि राजनितीक अस्थिरता र असार मसान्तको दबावका कारण घटिहरेको छ । यो बेला ब्रोकरको सेटलमेन्ट पनि रहेको हुन्छ । त्यसैले सबैतर्फबाट बिक्री दबाव आउँदा बजार घट्न पुगेको छ ।’
रिजालले राष्ट्र बैंकको नीति केहि सहज आउने र बजारले विस्तारै लय लिने विश्वास व्यक्त गरे ।
अर्थशास्त्री सूर्यानारायण पौडेलले असार मसान्तको डर देखाएर बजार घटाइएको बताउँछन् । ‘सामान्यतया बुलिस मार्केटमा पनि बजार घट्ने गरेको छ । यो बेला सकेसम्म सेयर खरिद गर्ने र माथि किनेकाले पनि एभरेजिङ गर्ने समय हो ,’ उनले भने ।
पौडेलले बजार २ हजार २० विन्दुभन्दा तल नजाने दाबी गरे । यस्तै उनले राष्ट्र बैंकले संस्थागत लगानीकर्तालाई क्याप हटाएर लचक नीति ल्याउन सक्ने आँकलन गरे ।
यो दिन नेप्सेमा सूचीकृत १३ वटा समूहमध्ये २ वटा समूहमा मात्रै हरियाली छायो । आज वित्त समूह ०.३४ प्रतिशत र उत्पादन तथा प्रशोधन समूह ०.०३ प्रतिशतले बढ्यो ।
.gif)
आज लघुवित्त समूहमा सबैभन्दा धेरै गिरावट आएको छ । आज यो समूह १.३७ प्रतिशतले घट्यो । साथै आज बैंकिङ समूह ०.७० प्रतिशत,विकास बैंक ०.८०,होटल ०.४०,हाईड्रो १.०६,लगानी ०.६६,जीवन बीमा ०.४५,लघुवित्त १.३७,म्युचुअल फण्ड ०.१५,निर्जीवन बीमा ०.२८,अन्य ०.९५ र व्यापार समूह ०.३१ प्रतिशतले घट्यो ।
धेरै कारोबार गर्ने कम्पनीहरु
यो दिन नेप्सेमा नेपाल फाइनान्सको सर्वाधिक सेयर कारोबार भयो । आज यो कम्पनीको १२ करोड ८८ लाख बढीको सेयर कारोबार भयो । साथै आज जानकी फाइनान्सको ११ करोड ९८ लाख,युनाइटेड इदी मर्दीको १० करोड ३९ लाख,मुक्तिनाथ कृषि कम्पनीको ९ करोड ४ लाख र एनआरएन इन्फ्रास्ट्रक्चरको ८ करोड ९ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज कुनै पनि कम्पनीको सेयरमूल्यमा सकारात्मक सर्किट लागेन । मुक्तिनाथ कृषि कम्पनीको सेयरमूल्य आज सर्वाधिक अर्थात ७.०६ प्रतिशतले बढ्यो । मैलुङ खोला जलविद्युत कम्पनीको सेयरमूल्य ५.७६ प्रतिशत,न्यादी हाईड्रोपावरको सेयरमूल्य ४.३६ प्रतिशतले बढ्यो ।
यो दिन मनकामना स्मार्ट लघुवित्तको सेयरमूल्य सर्वाधिक अर्थात ९.३० प्रतिशतले घट्यो ।
यस्तै साधना लघुवित्तको सेयरमूल्य ८.७७ र गणपति लघुवित्तको सेयरमूल्य ५.७६ प्रतिशतले घट्यो ।
.gif)
.png)
(1).jpg)
.jpg)
(1).jpg)
(2)(1).jpg)
.jpg)
.gif)
.gif)
.gif)
