(1).gif)
(2).gif)
.png)
काठमाण्डौ । पूर्व प्रधानन्यायाधीश कल्याणकुमार श्रेष्ठको संयोजकत्वमा आयोग बनाएर संविधान संसोधन गर्ने सहमति भएको छ ।
नेपाली कांग्रेस र नेकपा एमालेबीच केहीबेरअघि संविधानका कतिपय व्यवस्था संसोधन गरेर अगाडि बढ्ने र त्यसका लागि पूर्व प्रधानन्यायाधीश श्रेष्ठको नेतृत्वमा आयोग बनाएर अगाडि बढ्ने सहमति भएको हो ।
.gif)
कांग्रेसका एक नेताका अनुसार सहमतिको खाका तयार भइसकेको छ । अब सहमतिको फाइन कपीसहित कांग्रेस नेताहरु बालकोटस्थित नेकपा एमालेका अध्यक्ष केपी ओलीको निवासमा जाने तरखरमा छन् ।
कांग्रेस सभापति शेरबहादुर देउवा नेतृत्वको टोली ओलीको बालकोट निवासमा पुगेर आजै नयाँ सरकार बनाउने सहमतिमा हस्ताक्षर गर्ने योजना छ ।
प्रतिनिधिसभाका यी दुई ठूला दलबीच गठबन्धन गरेर जाने सहमति भएसँगै प्रचण्ड नेतृत्वको वर्तमान सरकार ढल्ने निश्चित भएको छ ।
कांग्रेस र एमालेबीच समानुपातिक निर्वाचन प्रणाली खारेज गरेर जाने, प्रदेश संख्या घटाउने लगायतका विषयमा संविधान संसोधन गरेर अगाडि बढ्ने सहमति बनेको बताइएको छ ।
सहमतिअनुसार प्रतिनिधिसभाको बाँकी कार्यकालमध्ये सुरुमा आधा एमालेले नेतृत्व गर्नेछ भने बाँकी रहेको आधा कार्यकाल कांग्रेस नेतृतवमा सरकार बन्नेछ । पहिलो चरणमा एमाले अध्यक्ष केपी शर्मा ओली प्रधानमन्त्री बन्नेछन् । उनी नेतृत्वको सरकारमा अर्थमन्त्रालय र गृह मन्त्रालय नै एमालेलाई दिन कांग्रेस सहमत देखिएको स्रोतहरुले बताएका छन् ।
.png)
.jpg)
.png)
.jpg)
