.gif)
_(1).gif)
.jpg)
.png)
काठमाण्डौ । कांग्रेस र एमालेबीच गठबन्धन बनाएर अगाडि बढ्ने सहमति भएको छ । सहमतिलाई मूर्त रुप दिन केहीबेरपछि भक्तपुरको बालकोटस्थित एमाले अध्यक्ष केपी शर्मा ओलीको निवासमा हस्ताक्षर गर्ने कार्यक्रम राखिएको छ ।
कांग्रेस र एमालेबीच विभिन्न विषयमा सहमति हुँदैछ । सहमतिको मस्यौदा तयार भइसकेको छ ।
स्रोतहरुका अनुसार सहमतिको मस्यौदा एमालेका महासचिव शंकर पोखरेल र कांग्रेसका प्रमुख सचेत रमेश लेखक मिलेर तयार पारेका हुन् ।
(1).gif)
विगतमा कांग्रेस सभापति शेरबहादुर देउवा र एमाले अध्यक्ष केपी ओलीलाई सम्वादमा ल्याउनेदेखि अहिले प्रचण्ड नेतृत्वको सरकार ढाली नयाँ गठबन्धन निर्माणको आधारशीला तयार गर्ने काममा पनि पोखरेल र लेखकको विशेष भूमिका रहेको छ ।
पोखरेल र लेखक दिउँसोदेखि नै सहमतिको मस्यौदा तयारीमा लागेका थिए । उनीहरु साँझदेखि भने मस्यौदालाई फाइनल गर्न भन्दै झम्सीखेलस्थित विनोद चौधरीको होटल भिभान्तामा पुगेका थिए ।
कांगे्रस र एमालेबीचको सहमतिको खाका कांग्रेसका सांसद समेत रहेका उद्योगपति विनोद चौधरीको होटलको कोठामा बसेर लेखिएको रोचक तथ्य जानकारीमा आएको हो ।
तयार भएको मस्यौदा लिएर लेखकसहितका नेताहरु बुढानिलकण्ठस्थित देउवा निवास पुगेर अहिले हस्ताक्षरका लागि ओली निवास आउने तयारीमा लागेका छन् ।
बालकोटस्थित ओली निवासमा समेत एमाले नेताहरुको आगमन बढ्न थालेको छ ।
कांग्रेस र एमालेबीच संविधानका कतिपय प्रावधानहरु संसोधन गरेर जानेदेखि सत्ता सहकार्यसम्मको सहमति बनेको छ ।
प्रतिनिधिसभाको बाँकी रहेको कार्यकालमध्ये आधा समय एमाले र आधा कांग्रेसले सरकारको नेतृत्व गर्नेछन् । सुरुमा एमाले अध्यक्ष केपी शर्मा ओलीले सरकारको नेतृत्व गर्नेछन् ।
आजै सहमतिको हस्ताक्षर भएको खण्डमा मंगलबार नै नयाँ प्रधानमन्त्रीको रुपमा केपी शर्मा ओलीको सपथ हुनसक्नेछ ।
.png)
.jpg)
.jpg)
.jpg)
.gif)
(1).gif)
.gif)
