.gif)
_(1).gif)
.png)
.png)
काठमाण्डौ । कांग्रेस एमाले सहभागी भई बन्न लागेको सरकारलाई सेयर बजारले स्वागत गरेको छ ।
एमाले अध्यक्ष केपी शर्मा ओलीको नेतृत्वमा सरकार बन्ने भएपछि लगानीकर्तामा अभूतपूर्व उत्साह देखिएको छ ।
केपी ओलीले कांग्रेसको समर्थनमा सरकार गठनको दाबी राष्टपतिसामु प्रस्तुत गरिसकेका छन् । सोही दाबीका आधारमा राष्ट्रपतिले नेपालको संविधानको धारा ७६ को उपधारा २ अनुसार आज साँझ उनलाई प्रधानमन्त्रीमा नियुक्त गर्दैछन् ।
(1).gif)
ओलीको सपथ भने सोमबार बिहान ११ बजेका लागि राखिएको छ ।
ओलीले आफ्नो सपथलगत्तै मन्त्रीपरिषदलाई पूर्णता दिने पूर्वतयारी गरिरहेका छन् । जसका कारण शक्तिशाली मन्त्रालय सम्हाल्ने केही नाम लगभग फाइनल भइसकेको छ ।
ओली सरकारमा उपप्रधान तथा अर्थमन्त्रीको रुपमा विष्णु पौडेल आउने खबरले लगानीकर्तामा थप उत्साह थपिदिएको छ । सेयर बजारमैत्री अर्थमन्त्रीको परिचय बनाएका पौडेललाई अर्थमन्त्रीमा नियुक्त गर्ने पक्का भइसकेको खबरसँगै सेयर बजार परिसूचक(नेप्से) २५ महिनापछिकै उच्च विन्दूमा पुगेको छ ।
२०७९ जेठ ४ गते नेप्से परिसूचक २२७४.४२ अंकमा थियो । यो बीचमा नेप्से परिसूचक न्यूनतम १८१५ सम्म खस्यो भने अधिकतम २२२७ को विन्दूसम्म पुग्यो ।
जेठ ४ गतेपछिदेखि भने बजार निरन्तर ओरालो लागेको थियो । आज भने बजार खुलेको केही मिनेटमै उछालको गतिमा दौडियो । नेप्से परिसूचक बजार खुलेको केही मिनेटमै २२९० सम्म पुग्यो । त्यसपछि केही सम्हालिएर अगाडि बढिरहेको छ ।
दिउँसो १ बजेसम्ममा नेप्से २२४६ आसपास रहेको छ ।
यो बेलासम्म साढे ४ अब बढीको सेयर कारोबार भइसकेको छ । २०५ कम्पनीको मूल्य बढेको छ भने ३२ कम्पनीको मूल्य घटेको छ । ५ कम्पनीको मूल्य अघिल्लो दिनको कारोबारको तुलनामा स्थिर छ ।
धेरै मूल्य बढ्ने कम्पनीको सूचिमा जलविद्युतको दबदबा देखिएको छ ।
.gif)
.png)
.jpg)
(91).jpg)
(4).png)
.jpg)
(1).jpg)
(1).gif)
.gif)
