.gif)
_(1).gif)
.png)
काठमाण्डौ । बढेपछि घट्ने र घटेपछि बढ्ने सुन्दर विशेषता बोकेको सेयर बजारमा उत्साहपूर्ण यात्राको सुरुवात भएको छ । लामो समयसम्म १८१५ देखि २२०० आसपासमै अल्झिरहेको बजार उछालको गतिमा दौडिएर ७७३ दिनकै उच्च विन्दूमा पुगेको छ ।
साताको पहिलो कारोबार दिन नेप्से परिसूचकले बन्न लागेको एमाले कांग्रेस गठबन्धनको सरकारलाई हरियो कार्पेटले स्वागत गरेको छ ।
(1).gif)
यो दिन नेप्से परिसूचकमा ५३ अंकको बढोत्तरी देखियो । २२५७.५९ को विन्दूमा पुगेको नेप्सेमा यो दिन ७ अर्ब ६२ करोड बराबरको कारोबार भएको छ ।
सन् २०२२ मे १२ तारिखका दिन नेप्से परिसूचक २३५०.४२ को विन्दूमा थियो । त्यसपछि ओरालो लाग्न थालेको नेप्से मे १७ मा २२६५.५२ र मे १८ मा २२७४.४२ अंकमा सीमित रह्यो ।
त्यसपछि भने नेप्से परिसूचकले आजको उचाई बराबरको यात्रा गरेको थिएन । यसरी हेर्दा ७७३ दिनपछि नेप्से परिसूचक यो अवधिकै सर्वाधिक २२५७.५९ विन्दूमा पुगेको हो ।
यो ७७३ दिनको अवधिमध्ये कारोबार भएका दिनहरुमा नेप्से परिसूचक १८१५ को विन्दूसम्म ओर्लियो भने २०२२ कै मे १९ मा २२५०.९१ अंक कायम भएपछि उतारचढावमै अल्झिरह्यो ।
कहिले कहिले पार भयो २२०० विन्दू ?
नेप्सेको इतिहासलाई हेर्दा यो ७७३ दिनको अवधिमा केवल १४ कारोबार दिनमा मात्र नेप्सेले २२०० को विन्दू पार गर्न सकेको देखिन्छ ।
सन् २०२२ को मे २७ सम्म २२०० माथि नै रहेको बजार त्यसपछि भने निरन्तर घट्न थाल्यो ।
पुनः २२०० को विन्दू पार गर्नलाई सन् २०२३ को जनवरी ९ नै पर्खिनुपर्ने अवस्था बन्यो । २०२३ को मे २७ पछि पहिलोपटक सन् २०२३ को जनवरी ९ मा नेप्से परिसूचक २२०० माथि(२२११.७६) अंकमा पुगेको थियो ।
२२०० माथिको यात्रा एकदिन मात्र टिक्यो र बजार फेरि ओरालो लाग्यो ।
त्यसपछि नेप्सेले सन् २०२३ को जुलाई २३ र २४ मा मात्र २२०० को विन्दू पार गर्यो । जुलाई २३ मा बजार परिसूचक बढेर २२२७.१६ र २४ मा २२००.५० अंकमा पुग्यो ।
त्यसपछि लगानीकर्ताले २२०० को मुख देख्नलाई निकै लामो समय कुर्नपर्यो । झण्डै एकवर्षसम्म घटबढको रनभूल्लमा अल्झिएको नेप्से सन् २०२४ को जुलाई ११ मा आएर २२०४.६१ को विन्दूमा उक्लियो ।
आज अर्थात २०२४ को जुलाई १४ का दिन नेप्से अझ माथि उठेर २२५७.५९ को विन्दूमा पुगेको हो ।
.gif)
.png)
.jpg)
(91).jpg)
(4).png)
.jpg)
(1).jpg)
(1).gif)
.gif)
