.gif)
_(1).gif)
.png)
काठमाण्डौ । वीरगञ्जमा मुख्य कार्यालय रहेको हिमालयन डिस्टिलरी नेप्सेमा सूचीकृत एकमात्रै मदिरा उत्पादक कम्पनी हो । यो कम्पनी नेप्सेमा उत्पादन तथा प्रशोधन समूहमा रहेको छ । सन् १९८५ को जुलाई २४ मा प्राइभेट कम्पनीका रुपमा स्थापित यो कम्पनी ११ मार्च २००० मा पब्लिक कम्पनीमा परिणत भएको थियो ।
कम्पनीमा संस्थापक समूहको ५८ प्रतिशत र सर्वसाधारण समूहको ४२ प्रतिशत सेयर स्वामित्व रहेको छ ।
आधारभूत पक्षः
यस आर्थिक वर्षको तेस्रो त्रैमासिक प्रतिवेदनअनूसार कम्पनीको चुक्तापूँजी २ अर्ब ६७ करोड २५ लाख रुपैयाँ रहेको छ । कम्पनीको जगेडा कोषको आकार ५२ करोड ८२ लाख ६१ हजार रुपैयाँ रहेको छ । योसँगै कम्पनीको कुल पूँजी ३ अर्ब २० करोड रुपैयाँ रहेको छ । कम्पनीको खुद मुनाफा २१ करोड ४ लाख १६ हजार रुपैयाँ रहेको छ । कम्पनीको प्रतिसेयर आम्दानी(ईपीएस) १०.५ रुपैयाँ रहेको छ । कम्पनीको बुक भ्यालु ११९.७७ रुपैयाँ र रिर्टन अन इक्विटी ८.७७ प्रतिशत रहेको छ ।
(1).gif)
प्राविधिक पक्षः
फियर एण्ड ग्रिड मिटर
फियर एण्ड ग्रिड मिटरको आधारमा यो कम्पनी हाल कमजोर बुलिस सेन्टिमेन्टमा रहेको छ । यस्तो मिटर यदि २० भन्दा तल भएको खण्डमा अधिक बिक्री र ८० भन्दामाथि भएमा अधिक खरिद भन्ने बुझिन्छ । हाल यो कँम्पनीको फियर एण्ड ग्रिड मिटर ७० को तहमा रहेको छ । यो भनेको कम्पनीको सेयरप्रति लगानीकर्ताको आकर्षण क्रमशः बढ्दै गएको भन्ने हो । कम्पनीको ५२ साताको उच्च मूल्य २ हजार ३७० रुपैयाँ रहेको छ भने न्यून मूल्य १ हजार १४८ रुपैयाँ रहेको छ ।
बोलिङ्गर ब्याण्ड , म्याक्डी र आरएसआई
साप्ताहिक रुपमा बोलिङ्गर ब्याण्डको आधारमा यो कम्पनीले हाल मध्य ब्याण्डमा प्रतिरोध सामाना गरेको छ । त्यो भनेको १ हजार ३८५ रुपैयाँ आसपास रहेको छ । म्याक्डीमा बुलिस क्रसओभर बनेको छ । हिस्टोग्राम सकारात्मक र लामालामा हुँदै गएका छन् । आरएसआई ओभर सोल्ड जोनबाट फर्केर हाल ४७ को तहमा पुगेको छ । मनी फ्लो इन्डिेक्स पनि विस्तारै बढ्दो गतिमा रहेको छ । यो भनेको कम्पनीको सेयरमा लगानी बढ्दै छ भन्ने हो ।
पिभट विश्लेषण
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –१४३१
प्रतिरोध २ –१३८४
प्रतिरोध १– १२६८
पिभट प्वइन्टः १२१६
घटेमा सपोर्ट
सपोर्ट १– ११०५
सपोर्ट २– १०५०
सपोर्ट ३ –९४२
निष्कर्षः आधारभूत रुपमा यो कम्पनीलाई नियाल्दा पछिल्ला वर्षहरुमा यो कम्पनीको खुद नाफा, बुक भ्यालु र प्रतिसेयर आम्दानी घटेको देखिन्छ । यस आर्थिक वर्षको तेस्रो त्रैमासिक प्रतिवेदनअनुसार कम्पनीको खुद मुनाफा अघिल्लो आर्थिक वर्षको यहि अविधिको त्ुलानामा ५३.५१ प्रतिशत, प्रतिसेयर आम्दानी ६६.८३ प्रतिशत , रिर्टन अन इक्विटी पनि ६२ प्रतिशतले घटेको छ । कम्पनीको बिक्री र सञ्चालन मुनाफामा गिरावट आउँदा खुद मूनाफामा पनि गिरावट आएको छ । प्राविधिक रुपमा हेर्दा यस कम्पनीको सेयर भाउले करिब बटम प्वइन्ट बनाएर माथिको यात्रा तय गर्दै गरेको देखिन्छ । कम्पनीको १० वर्षको औषत लाभांशदर भने ५५ प्रतिशत रहेको छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
(1).jpg)
.jpg)
.gif)
(1).gif)
.gif)
