चीनमा बाढीपहिरोका कारण बीमा कम्पनीहरुमा पर्यो ४४० मिलियन डलरबराबरको ९५ हजार दाबी

काठमाण्डौ । चीनमा आएको बाढीपहिरोका कारण बीमा कम्पनीहरुको दाबीमा उल्लेख्य वृद्धि भएको छ । बाढीपहिरोले अति प्रभावित चीनका प्रान्तहरुबाट बीमा कम्पनीहरुमा कुल ४४२ मिलियन डलर(३.२१ युआन)बराबरको ९५ हजार दाबी परेको छ ।  

गत जुलाई ११ गतेसम्मको आँकडाअनुसार बीमाको कुल क्षतिपूर्ति र अग्रिम भुक्तानी रकम १.१ बिलियन युआन पुगेको छ । विशेष गरेर चीनका अनहुई,फुजीआन,गुआङडोङ,ग्वाङछी,गुईझोउ,हुनान,जिआङछी,जेइझाङ र अन्य प्रान्तबाट बीमा दाबी परेको छ । कुल बीमा दाबीमा १.०८ बिलियन युआनबराबरको २९ हजार दाबी कृषिसँग सम्बन्धित छन् । कृषिको क्षतिपूर्ति र अग्रिम भुक्तानी २८० मिलियन युआन नाघेको छ । 

चीनमा गत अप्रिल १ गतेदेखि सुरु भएको वर्षातको मौसमका कारण देशका विभिन्न भू–भागमा भारी वर्षा भएको छ ।  

४ जुलाईमा सरकारले आफ्नो ‘ब्लु बुक अन क्लाइमेट चेन्ज अफ चाइना २०२४’नाम प्रतिवेदन जारी गरेको थियो। जुन चीन र विश्वव्यापी रूपमा जलवायु परिवर्तनको अवस्थाको बारेमा नवीनतम निगरानीमा आधारित छ ।  

ब्लू बुकले चीनमा चरम उच्च तापक्रम र भारी वर्षाका घटनाहरू बारम्बार र गम्भीर हुने गरेको र चरम कम तापक्रमका घटनाहरू सामान्यतया घटेको उल्लेख गरेको छ। सन् २०२३ मा चीनको वार्षिक औसत सतहको तापक्रम सामान्यभन्दा ०.८४ डिग्री सेल्सियस बढी थियो । जुन सन् १९०१ यताकै सबैभन्दा बढी हो । -एजेन्सी