.gif)
_(1).gif)
.png)
काठमाण्डौ । साताको तेश्रो कारोबार दिन बजार खुलेको एकघण्टामा डेढ अर्ब बढीको सेयर कारोबार भएको छ ।
यसले सेयर बजारमा पर्ख र हेरको रणनीतिमा रहेका ठूला लगानीकर्ता समेत बिस्तारै बजार प्रवेश गर्न थालेका देखिन्छ ।
कांग्रेस एमाले गठबन्धनको सरकार गठनको सहमति भएदेखि नै बजारमा बढोत्तरीको क्रम सुरु भएको थियो ।
(1).gif)
योपटक नेप्से परिसूचकमा बढोत्तरीसँगै कारोबार रकममा पनि उल्लेख्य वृद्धि भइरहेको छ । यसले समेत बजारमा दिगो बढोत्तरीको क्रम सुरु भएको सहजै अनुमान लगाउन सकिन्छ ।
लामो समयसम्म मनोबल खस्किएका लगानीकर्ताहरुलाई उत्साहित बनाउने गरी गठन भएको नयाँ सरकार, सेयर बजारमैत्री अर्थमन्त्रीको परिचय बनाएका विष्णु पौडेलको पुनरागमन, घट्दो बैंक ब्याजदर र बजारमैत्री मौद्रिक नीति सार्वजनिक हुने तयारी भइरहेका कारण बजारमा रौनक बढेको देखिएको छ ।
अर्थमन्त्री विष्णु पौडेलले सोमबार नियुक्ति भएलगत्तै नेपाल राष्ट्रबैंकका गभर्नर महाप्रसाद अधिकारीलाई अगाडि राखेर मौद्रिक नीति निकै सहज आउने र वित्तीय नीतिसँग ट्यूनिंग मिल्ने गरी बजार तथा लगानीमैत्री नीति ल्याइने सगौरव घोषणा गरेका छन् । अर्थमन्त्री र गभर्नर एउटै पार्टीका कार्यकर्ता भएका कारण समेत अर्थतन्त्र चलायमान बनाउने गरी मौद्रिक नीति आउनेमा दुईमत छैन । यही विषय बुझेका लगानीकर्ता बजारमा सक्रिय भएर लागेका कारण बजारमा बढोत्तरीसँगै कारोबार रकम पनि बढिरहेको हो ।
मंगलबार मध्यान्ह १२ः०८ मा नेप्से परिसूचक ७.३० अंकले बढेको छ भने कारोबार रकम १ अर्ब ८३ करोड माथि पुगेको छ।
बजारको सुरुवातीदेखि यो समयसम्म जलविद्युत कम्पनीमा लगानीकर्ताको आकर्षण देखिएको छ । यो समाचार तयार पार्दासम्म वरुण हाइडोपावर र आँखुखोला जलविद्युत कम्पनीको मूल्यमा अपर सर्किट लागिसकेको छ ।
यो बेलासम्म १६३ कम्पनीको मूल्य बढेको छ भने ६८ कम्पनीको मूल्य घटेको छ ।
नेप्से परिसूचक बढेर २२४८ को विन्दूमा पुगेको छ ।
.gif)
.png)
.jpg)
(91).jpg)
(4).png)
.jpg)
(1).jpg)
(1).gif)
.gif)
