.gif)
(2).gif)
_(1).gif)
.png)
काठमाण्डौ । आरएसडिसी लघुवित्त वित्तीय संस्था लिमिटेडले आर्थिक वर्ष २०८०÷८१ को चौथो त्रैमासको वित्तीय विवरण सार्वजनिक गरेको छ । जसअनुसार संस्थाले चौथौ त्रैमाससम्म १४ करोड ६६ लाख रुपैयाँ खुद नाफा आर्जन गरेको छ । यो नाफा अघिल्लो आवको सोही अवधिको तुलनामा ३६.४७ प्रतिशतले बढी हो । अघिल्लो आवको चौथो त्रैमाससम्म संस्थाले १० करोड ७४ लाख खुद नाफा कमाएको थियो ।
संस्थाको खुद ब्याज आम्दानी भने घटेको छ । संस्थाले समीक्षा अवधिसम्म २४ करोड ४७ लाख खुद ब्याज आम्दानी गरेको छ । जुन अघिल्लो आवको सोही अवधिको तुलनामा १५.२२ प्रतिशतले कम हो । गत आवको चौथो त्रैमाससम्म संस्थाले २८ करोड ८६ लाख खुद ब्याज आम्दानी गरेको थियो । संस्थाको कुल सञ्चालन आम्दानी भने २९.२३ प्रतिशतले बढेर खुद सञ्चालन मुनाफा २६ करोड ६९ लाख रुपैयाँ पुगेको छ ।
.gif)
समीक्षा अवधिसम्म संस्थाले कर्मचारीका लागि ४ करोड ३८ लाख रुपैयाँ र अन्य सञ्चालन खर्च १ करोड १२ लाख रुपैयाँबराबर गरेको छ । संस्थाको ३५.२४ प्रतिशतले बढेर १६ करोड ३७ लाख रुपैयाँ पुगेको छ । संस्थाको रिटेन्ड अर्निङ भने १४.७१ प्रतिशतले घटेर ६ करोड ७६ लाख रुपैयाँमा सीमित बनेको छ । चौथो त्रैमाससम्म संस्थाले ६५ लाख ६६ हजार रुपैयाँ इम्पेयरमेन्ट चार्जका लागि छुट्टाएको छ । संस्थाको खराब कर्जा अनुपात १.४० प्रतिशतबाट बढेर ३.३१ प्रतिशत कायम भएको छ ।
समीक्षा अवधिसम्म संस्थाको प्रतिसेयर आम्दानी(ईपीएस)१५.५३ रुपैयाँ, प्रतिसेयर कुल सम्पत्तिको मूल्य ७०५.७६ रुपैयाँ, पीई रेसियो ४४.५६ गुणा, तरलता अनुपात १.०३ प्रतिशत र प्रतिसेयर नेटवर्थ १२४.५० रुपैयाँ कायम भएको छ ।
.png)
(1).png)
.jpg)
(1).jpg)
(1).gif)
.gif)
