.gif)
_(1).gif)
.png)
काठमाण्डौ । साताको अन्तिम कारोबार दिन आज पनि नेपाल स्टक एक्सचेञ्च(नेप्से) मा दोहोरो अंकको उछाल आएको छ । आज नेप्से परिसूचक २.५२ प्रतिशत अर्थात ५९.६८ अंकले बढेर २ हजार ४२४.३२ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ३.९० प्रतिशतले बढेर ४३६.१४ विन्दुमा पुगेको छ । यो दिन नेप्सेमा सूचीकृत मध्ये ३१२ वटा स्क्रिप्टको ३ करोड ९९ लाख ३८ हजार २३७ कित्ता सेयर १५ अर्ब ५४ करोड ८८ लाख रुपैयाँभन्दा बढीको कारोबार भएको छ ।
आजको कारोबार गत २०७८ भदौ ८ पछिकै उच्च कारोबार हो । त्यबेला १६ अर्बको कारोबार भएको थियो । २०७८ भदौ २ गते हालसम्मकै उच्च कारोबार अर्थात २१ अर्ब ६४ करोडबराबरको कारोबार भएको थियो ।
आजको बजारबारे अर्थशास्त्री सूर्यनारायण पौडेल भन्छन्, ‘ पछिल्लो समय विशेष गरेर आर्थिक र राजनीतिक कारणले ३–४ वर्षदेखि घटेको बजार उचालिएको छ । २२ सय विन्दुलाई भोल्युमसहित ब्रेक गर्नुले बजार बुलिस लयमा रहेको बुझ््न सकिन्छ । आज बजारलाई बैंकिङ समूहले राम्रो साथ दिएको छ । यसको मुख्य कारण सेयर कर्जा लिने र संस्थागत तथा पुराना लगानीकर्ताको आगमन हुनु हो ।’
यद्यपी बजार भी सेपमा बढेको बढ्यै गर्नुभन्दा करेक्सन हुँदै अघि बढेको बजार मजबुत हुने पौडेलले बताए ।
अर्का बजार जानकार अजुर्न थापाको विचारमा पनि सरकार पूँजी बजार र अनौपचारिक क्षेत्रमा केहि लचक हुने संकेत देखिएका कारण पछिल्लो समय घरजग्गा र सेयर बजारमा बढोत्तरी आएको छ । ‘यसका साथै आउने मौद्रिक नीतिमा बैंकहरुलाई नउठेको ऋणमा केहि पुनर्विचार गर्न सक्ने,जोखिमभार र क्याप हट्न सक्ने जस्ता अपेक्षाका कारण बजारमा उछाल आएको हो । जसलाई घट्दो ब्याजदरले थप सपोर्ट गरेको छ,’ उनले भने ।
(1).gif)
यो दिन नेप्सेमा सूचीकृत १३ वटा समूहमध्ये २ वटा बाहेक अन्य सबैमा हरियाली छायो । आज बैंकिङ समूहमा सर्वाधिक उछाल आयो । यो समूह आज ६.२८ प्रतिशतले बढेर १ हजार ३६२ विन्दुमा पुग्यो ।
यस्तै आज विकास बैंक समूह १.३१ प्रतिशत, होटल १.०४ लगानी ०.८९,जीवन बीमा १.२९, उत्पादन तथा प्रशोधन १.१७,लघुवित्त २.७७,म्युचुअल फण्ड ०.८९,निर्जीवन बीमा १.०५,अन्य २.३० र व्यापार समूह ०.४६ प्रतिशतले बढ्यो ।
धेरै कारोबार गर्ने कम्पनीहरु
यो दिन नेपाल फाइनान्सको सर्वाधिक सेयर कारोबार भयो । आज यो कम्पनीको ४२ करोड ४६ लाख बढीको कारोबार भयो । अप्पर तामाकोशीको आज ३८ करोड ९१ लाख,ङादी ग्रुप पावरको ३० करोड ३२ लाख,साइन रेसुङ्गा डेभलपमेन्ट बैंकको २७ करोड ९१ लाख र कुमारी बैंकको २३ करोड ९२ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ७ वटा कम्पनीको सेयरमूल्यमा सकारात्मक सर्किट लाग्यो । आज नेपाल इन्भेष्टमेन्ट मेगा बैंक,नेपाल फाइनान्स,आँखुखोला जलविद्युत,उपकार लघुवित्त,थ्रिस्टार हाईड्रो,कुमारी बैंक र प्रभु बैंकको सेयरमूल्यमा सकारात्मक सर्किट लाग्यो ।
यस्तै आज रिभर फल्सको सेयरमूल्य ९.११ प्रतिशत,मेरो माइक्रोफाइनान्सको ८.४१ र प्राइम कमर्सियल बैंकको सेयरमूल्य ८.३७ प्रतिशतले बढ्यो ।
आज सिन्धु विकास बैंकको सेयरमूल्य सर्वाधिक अर्थात ४.५७ प्रतिशतले घट्यो ।
.gif)
.png)
.jpg)
.jpg)
.jpg)
.gif)
.gif)
