.gif)
_(1).gif)
.png)
काठमाण्डौ । नेपाल धितोपत्र बोर्डमा ६ वटा हाइड्रोपावर कम्पनीले हकप्रद निष्कासनको अनुमति माग गरेका छन् । बोर्डसँग हकप्रद ल्याउन अनुमति माग्नेमा बाराही हाइड्रोपावर, पिपुल्स पावर, दोर्दी खोला जलविद्युत कम्पनी, राप्ती हाइड्रो एन्ड जनरल कन्स्ट्रक्सन, रिभर फल्स पावर, शिवश्री हाइड्रोपावर छन् ।
पिपुल्स पावरले चुक्तापुँजीको ५० प्रतिशत र बाँकी ५ वटा कम्पनीले शतप्रतिशत हकप्रद ल्याउन सेबोनसँग अनुमति मागेका हुन् । बाराही हाइड्रो र पिपुल्स पावरले जेठ २४ गते, दोर्दी खोलाले असार ९ गते, राप्ती हाइड्रोले असार ११ गते, रिभर फल्सले असार १२ गते र शिव श्री हाइड्रोले असार २४ गते बोर्डमा निवेदन दिएका हुन् ।
(1).gif)
बाराही हाइड्रोपावरले १०० रुपैयाँ अंकित दरका २५ लाख कित्ता, बाराहीले ३१ लाख ६३ हजार कित्ता, दोर्दी खोलाले १ करोड ५ लाख ४२ हजार ६०४ कित्ता, राप्ती हाइड्रोले ६१ लाख २७ हजार ९३८ कित्ता, रिभर फल्सले ७० लाख कित्ता र शिवश्री हाइड्रोपावरले १ करोड ४७ लाख ६४ हजार कित्ता हकप्रद सेयर आफ्ना सेयरधनीहरुलाई जारी गर्न बोर्डसँग अनुमति माग गरेका छन् ।
हकप्रद बिक्री प्रबन्धकमा बाराही र राप्ती हाइड्रोको मुक्तिनाथ क्यापिटल, पिपुल्स पावर र रिभर फल्सको प्रभु क्यापिटल, दोर्दी खोलाको सानिमा क्यापिटल र शिवश्रीको सिटिजन्स क्यापिटल रहेका छन् ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
