.gif)
_(1).gif)
(30).jpg)
.png)
काठमाण्डौ । आज नेप्से परिसूचक इन्ट्रा डे करेक्सन हुँदै अघि बढिरहेको छ । प्रि–ओपन सेशनमा ८.३१ अंकले बढेको नेप्सेमा आज सुरुवातदेखिनै गिरावट आएको थियो ।
कारोबार भएको साढे २ घण्टाको अवधिमा नेप्से परिसूचक हरियो बनेको छ । यो समाचार तयार पार्दासम्म नेप्से ०.४२ प्रतिशत अर्थात ११.३० अंकले बढेर २ हजार ६७२.४० विन्दुमा कारोबार भईरहेको छ । नेप्सेमा २ करोड ४० लाख कित्ता बढी सेयरको १० अर्ब १० करोड बढीको कारोबार भएको छ । यतिबेलासम्म १३२ कम्पनीको सेयरमा हरियाली छाएको छ भने ९९ वटामा रातो पोतिएको छ ।
(1).gif)
आज नेप्से परिसूचक १२.४० मिनेटमा घटेर २६०९ विन्दुसम्म झरेको थियो । त्यसपछि भने नेप्सेले क्रमशःसुधार गर्दै माथिको यात्रा तय गरिरहेको छ ।
अहिलेसम्म ७ वटा कम्पनीको सेयरमूल्यमा अपर सर्किट लागेको छ । प्रोग्रेसिभ फाइनान्स,सान्जेन जलविद्युत,मुक्तिनाथ कृषि कम्पनी,नेपाल वेयरहाउजिङ,सिईडिबि हाईड्रोपावर,मध्य भोटेकोशी र समृद्धि फाइनान्सको सेयरमूल्यमा सकारात्मक सर्किट लागेको छ ।
एशियन हाईड्रो भने सर्वाधिक गुमाउने कम्पनी बनेको छ । यो कम्पनीको सेयरमूल्य ९.६६ प्रतिशतले घटिसकेको छ ।
सर्वाधिक कारोबार गर्नेमा भने हिमालयन रि इन्स्योरेन्स अग्रस्थानमा रहेको छ । कम्पनीको अहिलेसम्म २६ करोड ८ लाख बढीको कारोबार भएको छ ।
विगत केहि दिनदेखि निरन्तर वृद्धि भईरहेको नेप्सेमा हिजो भने दोहोरो अंकको करेक्सन आएको थियो ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
