.gif)
_(1).gif)
(36).jpg)
.png)
काठमाण्डौ । बैंकहरुको वित्तीय प्रतिवेदन सार्वजनिक भएको दिन आज नेप्से परिसूचकमा उतारचढाव देखिएको छ । नेप्सेले प्रि–ओपन सेसनको वृद्धिलाई जोगाउन सकिरहेको छैन ।
आज प्रि–ओपन सेसनमा नेप्से परिसूचक ०.५३ प्रतिशत अर्थात १४.७६ अंकले बढेको थियो । नियमति कारोबार खुलेको केही मिनेटसम्म उकालो लागेको नेप्सेमा गिरावट आउन थालेको छ । कारोबार खुलेको केही मिनेटमा नेप्से परिसूचक बढेर २ हजार ७९४ विन्दुसम्म पुगेको थियो । तर ५ मिनेटपश्चात भने नेप्सेमा गिरावट आउन थाल्यो । यसबीचमा नेप्से परिसूचक २ हजार ७४५ विन्दुसम्म झरेको थियो ।
नेप्सेमा कारोबार खुलको ३० मिनेटसम्म ३ अर्ब ९६ करोड रुपैयाँ बढीको कारोबार भएको छ । नेप्से परिसूचक पनि ०.९६ प्रतिशत अर्थात २६.४५ अंकले बढेर २ हजार ७८२ विन्दुमा कायम भएको छ ।
(1).gif)
अहिलेसम्म १२० वटा कम्पनीको सेयरमूल्य बढेको छ भने १०५ वटाको घटेको छ । सिटी होटलको सेयरमूल्यमा सकारात्मक सर्किट लागेको छ । त्यस्तै नेपाल फाइनान्स कम्पनीको सेयरमूल्यमा नकारात्मक सर्किट लागेको छ ।
आज बैंकिङ समूह १.४७ प्रतिशतले बढीरहेको छ । आज प्रकाशित वित्तीय प्रतिवेदनमा वाणिज्य बैंकहरुको सूचकमा अपेक्षा गरेअनुरुप सुधार नदेखिएपनि बैंकिङ समूहप्रति लगानीकर्ताहरुले विश्वास कायम राखेका छन् ।
नेपाल राष्ट्र बैंकले गत शुक्रबार सर्कुलर जारी गर्दै संस्थागत लगानीकर्ताका लागि कर्जाको सीमा हटाउन बैंक तथा वित्तीय संस्थालाई निर्देशन जारी गरेको थियो । जसको सकारात्मक प्रभाव आजको कारोबारमा देखिएको छ ।
.gif)
.png)
.jpg)
.png)
(69).jpg)
.jpg)
.gif)
(1).gif)
.gif)
