.gif)
_(1).gif)
.png)
.png)
काठमाण्डौ । आज सेयर बजारमा दिनभर करिब १३० अंकको उतारचढाव आयो । अघिल्लो दिन १४५ अंकले घटेको बजारमा आज भने १०८ अंकले सुधार आयो । प्रविधिक रुपमा आजको बजारमा बुलिस प्रकृतिको क्याण्डल बनेको छ । तर यो क्याण्डल अघिल्लो दिनको रातो क्याण्डलभन्दा माथि जान भने सेकेको छैन ।
आज अघिल्लो दिनको तुलनामा कारोबार भने ५ अर्ब ८१ करोडले घटेको छ । आज बजार बढेता पनि कारोबार भने घटेको छ । केही दिनदेखि उतारचढावपूर्ण रहेको बजारको आगामी बाटो भने अझै एक दूइ दिनको कारोबारले मात्रै प्रष्ट हुन सक्छ । आज करिब २७६० विन्दुमा बन्द भएको बजार आगामी कारोबारमा यदि यस अघिको पनि उच्च विन्दु २८१६ भन्दा माथि–माथि टिकेर कारोबार भएको खण्डमा बजारले अझै थप उचाई लिन सक्छ ।
.gif)
तर बजारले यो विन्दुलाई ब्रेक गर्न नसकेको खण्डमा भने बजार साइडवेज पनि चल्न सक्छ । बोलिङ्गर ब्याण्डमार्फत हेर्दा बजार हाल अपर ब्याण्ड र मध्य ब्याण्ड बीचमा चलेको छ । म्याक्डी मार्फत बजारलाई नियाल्दा यस अघि बनेको बुलिस क्रसओभर भ्यालिड नै रहेको छ । तर एमएसीडी लाइन र सिग्नल लाइनबीचको दुरी भने विस्तारै कम हुँदै गएको छ । हिस्टोग्राम छोटा–छोटा हु्ँदै गएका छन् ।
आरएसआई भने ओभर बट जोनमा नै चलेको छ । तर यसले भने वियरिस डाइभर्जेन्स देखाएको छ । मनी फ्लो इन्डेक्सबाट हेर्दा मनी फ्लो इन्डेक्सले पनि बजारको मोमेन्टम बिस्तारै केही कमजोर हु्ँदै गरेको देखिन्छ । यस कारण बजारको आगामी दिशा अझै एक दुइ कारोबार पछि मात्रै प्रष्ट हुनसक्छ । पिभट् मार्फत आजको बजारलाई हेर्दा आज पिभट् प्वइन्ट भन्दा माथि बन्द भएको बजारले क्रमशः २८३८,२९२१,३०३७ विन्दुमा प्रतिरोध सामना गर्नेछ । त्यसैगरि बजारले क्रमशः २६४०,२५२३ र २४४० विन्दुमा सपोर्ट लिन सक्छ ।
नोटः सेयर बजारमा लगानी जोखिमपूर्ण हुन्छ, यो बिश्लेषण कारोबारका लागि सिफारिस भने होइन ।
.png)
.jpg)
.gif)
.gif)
.gif)
