एकघण्टामै करिब ९ अर्बको कारोबार, आज फेरि नयाँ रेकर्ड बन्ने सम्भावना

काठमाण्डौ । आज पनि सेयर बजारले कारोबार रकममा नयाँ रेकर्ड बनाउने संकेत देखिएको छ ।

सोमबार(आज) कारोबारको एकघण्टाभित्रै करिब ९ अर्बको सेयर किनबेच भइसकेको छ । किनबेचको यो तीव्रता बजार बन्द हुँदासम्म जारी रहे आज कारोबार रकम ३० अर्ब माथि पुग्ने देखिएको छ ।

यो समाचार तयार पार्दासम्म नेप्से परिसूचक ६७.१० अंकले बढेर २९२७.९५ को विन्दूमा पुगिसकेको छ ।

पहिलो एकघण्टासम्म होटल र टुरिजम उपसमूहमा ५.१८ प्रतिशतको बढोत्तरी भइसकेको छ । बैंकिंग समूह पनि ३.४७ प्रतिशतले बढिसकेको छ भने जीवन बीमा उपसमूहमा ३.३८ प्रतिशतको वृद्धि भइसकेको छ । फाइनान्स समूह पनि २.२३ प्रतिशतले बढिसकेको छ ।

उत्पादन तथा प्रशोधन समूह मात्रै ०.३९ प्रतिशतले घटेको छ ।