.gif)
_(1).gif)
.png)
.png)
काठमाण्डौ । आरम्भ चौतारी लघुवित्त वित्तीय संस्था लिमिटेडले गत आवको चौथो त्रैमाससम्म ४ करोड ३५ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने संस्था ६ करोड ५ लाख रुपैयाँ घाटामा थियो ।
यो अवधिमा संस्थाको खुद ब्याज आम्दानी भने १.९९ प्रतिशतले घटेको छ । संस्थाले २७ करोड ६ लाख रुपैयाँ खुद ब्याज आम्दानी गरेको छ । संस्थाको खुद शुल्क तथा कमिशन आम्दानी ३ करोड ७९ लाख रुपैयाँबाट बढेर ६ करोड ३० लाख रुपैयाँ पुगेको छ । संस्थाको खुद सञ्चालन आम्दानी ३५ करोड ९५ लाख र सञ्चालन मुनाफा ६ करोड २१ लाख रुपैयाँ रहेको छ ।
(1).gif)
यस्तै संस्थाको वितरणयोग्य मुनाफा ८ करोड २३ लाख रुपैयाँ रहेको छ । चुक्तापूँजी ३६ करोड ७१ लाख रुपैयाँ रहेको संस्थाको रिटेन्ड अर्निङ ऋणत्मक र रिजर्भ भने घटेको छ । संस्थाको रिजर्भ १९ करोड ८६ लाखबाट घटेर १६ करोड ७० लाख रुपैयाँ पुगेको छ । संस्थाको रिटेन्ड अर्निङको आकार भने ३ करोड ६४ लाख रुपैयाँले ऋणात्मक अवस्थामा छ ।
चौथो त्रैमाससम्ममा १ अर्ब ५८ करोड रुपैयाँबराबरको निक्षेप संकलन गरेको संस्थाले ४ अर्ब २५ करोड रुपैयाँबराबरको कर्जा प्रवाह गरेको छ ।
संस्थाको खराब कर्जा अनुपातमा ७०.९८ प्रतिशतको कमी आएको छ । अघिल्लो आवको चौथो त्रैमाससम्म १०.५८ प्रतिशत रहेको खराब कर्जा अनुपात घटेर ३.०७ प्रतिशतमा झरेको छ ।
समीक्षा अवधिसम्म संस्थाको प्रतिसेयर आम्दानी(ईपीएस) ११.८५ रुपैयाँ प्रतिसेयर नेटवर्थ १४१.९३ रुपैयाँ, प्रतिसेयर कुल सम्पत्तिको मूल्य १ हजार ४०५.२३ रुपैयाँ, मूल्य आम्दानी अनुपात १०३.७६ गुणा र तरलता अनुपात ३.०८ प्रतिशत कायम भएको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
